مەركى قانت زاۋىتىنىڭ اكتسيونەرلەرى ءجيى اۋىسادى، ءبىر قولدان ەكىنشى قولعا وتكەندىكتەن، بيزنەستى دامىتۋ ماقساتىنا جەتە الماي وتىر. جالعىز عانا ماقساتتارى - پايدانى قالتاعا باسۋ. سول سەبەپتى، مەركى قانت زاۋىتى جىل سايىن ءوندىرىس كولەمىن تومەندەتىپ جاتقانىن كورىپ وتىرمىز. مىسالى، كورشى قىرعىزستانداعى قانت زاۋىتتارى فەرمەرلەردەن قانت قىزىلشاسىن سالىستىرمالى تۇردە بىزدەن 20%-عا كوپ قاراجاتقا ساتىپ الىپ وتىر، سونىمەن قاتار، جىل سايىن ءونىم كولەمىن كوبەيتۋدە. ال بىزدەگى جاعداي كەرىسىنشە بولىپ تۇر.

قۇرمەتتى بەردىبەك مىرزا، مەركى قانت زاۋىتىنىڭ ەندىگى جاعدايى قالاي بولادى؟ مەركى قانت زاۋىتى قانت قىزىلشاسىن ءوندىرۋشى فەرمەرلەرگە 800 ملن تەڭگە قارىزىن قاشان تولەيدى؟

فەرمەرلەردىڭ ماعان جازعان حاتىنىڭ مازمۇنى مىناداي: "ازاماتحان، اسسالاماگالەيكۋم. بىزگە مەركى قانت زاۆودى ءالى كۇنگە دەيىن تولىق اقشالاردى بەرمەدى. 918 ميلليون قارىزدان 80 ميلليون عانا تولەندى. وسىنشا ۋاقىتقا دەيىن كۇتتىك. پرەزيدەنت توقاەۆتىڭ سايتىنا جازساق قالاي بولادى؟ وبلىس اكىمىنەن قاراجاتىمىزدى الىپ بەرۋدى سۇرانعانمىز. ودان بەرى ءبىراز ۋاقىت ءوتتى. اقشالاردىڭ شاڭى دا كورىنبەيدى. نە اقىل ايتاسىز؟".

سونىمەن قاتار، فەرمەرلەردىڭ جەكە ۇيلەرى بانكتەردە كەپىلدىكتە تۇرعانىن ەسكەرۋلەرىڭىزدى سۇرايمىن. كەشە فەرمەرلەر ماسەلە شەشىلمەسە، ميتينگكە شىعاتىنىن ايتىپ، ماعان حابارلاستى.

بۇل ماسەلەنىڭ جىلدام ءارى ءادىل شەشىمىن كۇتەمىز.

ازاماتحان ءامىرتايدىڭ الەۋمەتتىك جەلىدەگى جازباسى

Abai.kz