قازاننىڭ 13-ءى كۇنى پرەزيدەنت نۇرسۇلتان نازارباەۆ «ءدىني قىزمەت جانە ءدىني بىرلەستىك تۋرالى» زاڭعا قول قويدى. قۇجاتتىڭ ءبىر نورماسىندا بارلىق دىندەر مەن ءدىني بىرلەستىكتەر زاڭ الدىندا بىردەي ەكەندىگى ايتىلعان، كەيبىر دىندەرگە جانە ءدىني بىرلەستىكتەرگە، باسقالارعا قاراعاندا ارتىقشىلىق بەرۋگە جول جوق.

قىركۇيەكتىڭ باسىنان باستالعان زاڭ جوباسىن تالقىلاۋ پروتسەسى كەزىندە اتىشۋلى مالىمدەمەلەر جاسالدى. ولاردىڭ ەل ەسىندە بىرازعا دەيىن ۇمىتىلماي جۇرەرى ءسوزسىز. سول مالىمدەمەلەرگە نازار اۋدارا وتىرىپ، «ءدىن تۋرالى اتالعان زاڭ جوباسى نەلىكتەن ساياسيلانىپ كەتتى؟» دەگەن سۇراققا جاۋاپ تاپقانداي بولامىز.

ءبىر قىزىعى، جاڭا زاڭعا قارسى بولىپ جۇرگەندەر اقتوبەدە مەملەكەتكە قارسى اشىق «سوعىس» جاريالاعان اسىرەدىنشىل توپتاردىڭ ارەكەتى تۋرالى ءلام دەپ جۇمعان اۋزىن اشپادى. نەگە؟ ال قازىر مەملەكەتكە تالاپ قويىپ وتىر. جانە قويعان تالاپتارىنان ەشۋاقىتتا تايىنبايتىنداي. زاڭ قابىلداندى. ال ولاردىڭ ەندىگى تالابى قانداي بولار ەكەن؟.. بۇل دا ۋاقىتتىڭ ەنشىسىندە مە؟ سۇراق كوپ، تۇشىمدى جاۋاپ جوق.

P.S. وسىنداي ماڭىزدى سۇراقتىڭ ءبىرىن ءماجىلىس دەپۋتاتى الدان سمايىل «امانات» پىكىر سايىس كلۋبىندا ورتاعا تاستادى. ول ءدىني احۋالدىڭ وسىنشاما شيەلەنىسۋى ەلىمىزدە ءدىن عۇلاماسىنىڭ جوقتىعىنان دەپ ەسەپتەيدى. «بىزدە يسلام ءدىنىن باقايشاعىنا دەيىن ءتۇسىندىرىپ بەرە الاتىن ناعىز مامان بار ما؟»  دەيدى دەپۋتات.

قازاننىڭ 13-ءى كۇنى پرەزيدەنت نۇرسۇلتان نازارباەۆ «ءدىني قىزمەت جانە ءدىني بىرلەستىك تۋرالى» زاڭعا قول قويدى. قۇجاتتىڭ ءبىر نورماسىندا بارلىق دىندەر مەن ءدىني بىرلەستىكتەر زاڭ الدىندا بىردەي ەكەندىگى ايتىلعان، كەيبىر دىندەرگە جانە ءدىني بىرلەستىكتەرگە، باسقالارعا قاراعاندا ارتىقشىلىق بەرۋگە جول جوق.

قىركۇيەكتىڭ باسىنان باستالعان زاڭ جوباسىن تالقىلاۋ پروتسەسى كەزىندە اتىشۋلى مالىمدەمەلەر جاسالدى. ولاردىڭ ەل ەسىندە بىرازعا دەيىن ۇمىتىلماي جۇرەرى ءسوزسىز. سول مالىمدەمەلەرگە نازار اۋدارا وتىرىپ، «ءدىن تۋرالى اتالعان زاڭ جوباسى نەلىكتەن ساياسيلانىپ كەتتى؟» دەگەن سۇراققا جاۋاپ تاپقانداي بولامىز.

ءبىر قىزىعى، جاڭا زاڭعا قارسى بولىپ جۇرگەندەر اقتوبەدە مەملەكەتكە قارسى اشىق «سوعىس» جاريالاعان اسىرەدىنشىل توپتاردىڭ ارەكەتى تۋرالى ءلام دەپ جۇمعان اۋزىن اشپادى. نەگە؟ ال قازىر مەملەكەتكە تالاپ قويىپ وتىر. جانە قويعان تالاپتارىنان ەشۋاقىتتا تايىنبايتىنداي. زاڭ قابىلداندى. ال ولاردىڭ ەندىگى تالابى قانداي بولار ەكەن؟.. بۇل دا ۋاقىتتىڭ ەنشىسىندە مە؟ سۇراق كوپ، تۇشىمدى جاۋاپ جوق.

P.S. وسىنداي ماڭىزدى سۇراقتىڭ ءبىرىن ءماجىلىس دەپۋتاتى الدان سمايىل «امانات» پىكىر سايىس كلۋبىندا ورتاعا تاستادى. ول ءدىني احۋالدىڭ وسىنشاما شيەلەنىسۋى ەلىمىزدە ءدىن عۇلاماسىنىڭ جوقتىعىنان دەپ ەسەپتەيدى. «بىزدە يسلام ءدىنىن باقايشاعىنا دەيىن ءتۇسىندىرىپ بەرە الاتىن ناعىز مامان بار ما؟»  دەيدى دەپۋتات.

«اباي-اقپارات»
ماقالانىڭ تولىق نۇسقاسىن haq.abai.kz سايتىنان وقي الاسىزدار.