قۇجاتتا كورسەتىلگەندەي، رەسەي مەن ساۋد ارابياسى مامىر ايىنان ماۋسىم ايىنىڭ اياعىنا دەيىن تاۋلىگىنە وندىرەتىن مۇنايدىڭ كولەمىن 8,5 ميلليون باررەلدەن اسىرماۋى ءتيىس.
وتكەن بەيسەنبى كۇنى وپەك+ ەلدەرى ون ساعاتقا سوزىلعان كەلىسسوز ناتيجەسىندە تالاپپەن كەلىسپەگەن مەكسيكا كۆوتاعا بايلانىستى مىندەتتەمە الۋى ءتيىس دەگەن ەسكەرتپەمەن ىنتىماقتاستىق جونىندە دەكلاراتسيانى قابىلدادى.
2021 جىلدىڭ قاڭتار ايىنان 2022 جىلدىڭ ءساۋىر ايىنا دەيىن وپەك+ ەلدەرى مۇناي ءوندىرۋدى تاۋلىگىنە 6 ملن باررەلگە دەيىن ازايتۋعا كەلىستى. بۇل 2018 جىلدىڭ قازان ايىنداعى دەڭگەيدەن 14 پروتسەنتكە تومەن.
بۇل ماسەلە جۇما كۇنى G20 اياسىندا جالعاسادى.
وتكەن اپتادا رەسەي پرەزيدەنتى ۆلاديمير پۋتين ەگەر وپەك+ جانە اقش-تا كەلىسىممەن كەلىسسە، ەلىنىڭ مۇناي ءوندىرۋدى ازايتۋعا دايىن ەكەنىن جەتكىزگەن.
وسىعان دەيىن رەسەيدىڭ Urals مۇنايىنىڭ بىر باررەلى 10,5 دوللارعا قۇلدىراعان. مۇنداي باعامەن ماسكەۋ بيۋدجەتىنە كىرىس كىرمەيدى.
اقش پرەزيدەنتى دونالد ترامپ مۇنداي ءوندىرۋدى ازايتۋعا بايلانىستى "بۇل مۇمكىن دەپ ويلامايمىن" دەپ جاۋاپ بەردى. ء"بىز نارىققا سايكەستەندىرىپ ازايتتىق" دەگەن امەريكالىق ليدەر.
وسىعان دەيىن ترامپ مۇنداي ءوندىرۋدى ازايتۋعا بايلانىستى ورتاق شەشىمگە كەلە الماعان ساۋد ارابياسى مەن رەسەيدىڭ ءتىل تابىسۋىن قالايتىنىن مالىمدەگەن.
Abai.kz
