Құжатта көрсетілгендей, Ресей мен Сауд Арабиясы мамыр айынан маусым айының аяғына дейін тәулігіне өндіретін мұнайдың көлемін 8,5 миллион баррелден асырмауы тиіс.
Өткен бейсенбі күні ОПЕК+ елдері он сағатқа созылған келіссөз нәтижесінде талаппен келіспеген Мексика квотаға байланысты міндеттеме алуы тиіс деген ескертпемен ынтымақтастық жөнінде декларацияны қабылдады.
2021 жылдың қаңтар айынан 2022 жылдың сәуір айына дейін ОПЕК+ елдері мұнай өндіруді тәулігіне 6 млн баррелге дейін азайтуға келісті. Бұл 2018 жылдың қазан айындағы деңгейден 14 процентке төмен.
Бұл мәселе жұма күні G20 аясында жалғасады.
Өткен аптада Ресей президенті Владимир Путин егер ОПЕК+ және АҚШ-та келісіммен келіссе, елінің мұнай өндіруді азайтуға дайын екенін жеткізген.
Осыған дейін Ресейдің Urals мұнайының бір баррелі 10,5 долларға құлдыраған. Мұндай бағамен Мәскеу бюджетіне кіріс кірмейді.
АҚШ президенті Дональд Трамп мұндай өндіруді азайтуға байланысты "бұл мүмкін деп ойламаймын" деп жауап берді. "Біз нарыққа сәйкестендіріп азайттық" деген америкалық лидер.
Осыған дейін Трамп мұндай өндіруді азайтуға байланысты ортақ шешімге келе алмаған Сауд Арабиясы мен Ресейдің тіл табысуын қалайтынын мәлімдеген.
Abai.kz
