قازاقستاننىڭ كاسىپوداقتار فەدەراتسياسى جانىنداعى جاستار كەڭەسى مەن «نۇر وتان» پارتياسى جانىنداعى «جاس وتان» جاستار قاناتى كۇش بىرىكتىردى. وتكەن ايدا كاسىپوداقتار فەدەراتسياسى مەن «نۇر وتان» پارتياسى اراسىندا ءوزارا ارىپتەستىك جانە ىنتىماقتاستىق مەموراندۋمىنا قول قويىلعانى بەلگىلى. فەدەراتسيا توراعاسى، قازىرگى ۆيتسە-پرەمەر ەرالى توعجانوۆ پەن پارتيا توراعاسىنىڭ ءبىرىنشى ورىنباسارى باۋىرجان بايبەك باستاعان ارىپتەستىكتى ەندى قوس قوعامدىق ۇيىمنىڭ جاستارى جالعاستىرىپ وتىر.

قاراعىندى وبلىستىق كاسىپوداقتار فەدەراتسياسى جانىنان قۇرىلعان «كەلەشەك» جاستار كەڭەسى مەن «Jas Otan» جاستار قاناتىنىڭ وبلىستىق فيليالى ءوزارا ىنتىماقتاستىق تۋرالى كەلىسىم جاساستى.

ول بويىنشا الداعى ۋاقتا تاراپتار قاراعاندى وبلىسىنداعى جاستار ساياساتىن ىلگەرىلەتۋ بويىنشا باستامالاردى بىرلەسىپ جۇزەگە اسىراتىن بولادى. اتاپ ايتقاندا، «Jas Otan» جاستار قاناتى مەن «كەلەشەك» جاستار كەڭەسى وڭىردەگى ەڭبەكشىلەردىڭ الەۋمەتتىك جانە ەڭبەك قۇقىقتارى ماسەلەلەرىن، سونىمەن قاتار، ەڭبەك جانە الەۋمەتتىك جانجالداردىڭ الدىن الۋ جانە شەشۋ جۇيەسىن جەتىلدىرۋ بويىنشا بىرلەسىپ جۇمىس جاساماق.

سونىمەن قاتار، شىمكەنتتە «Jas Otan» جاستار قاناتى مەن «شىمكەنت قالاسى كاسىپوداقتار ورتالىعى» جانىنداعى «كەلەشەك» جاستار كەڭەسى اراسىندا ارىپتەستىك كەلىسىم جاسالعان.

كەلىسىم بويىنشا، تاراپتار جاستاردىڭ قۇقىقتارى مەن مۇددەلەرىن قورعاۋعا، جاس وتباسىلارعا، ستۋدەنتتەرگە ءبىلىم الۋعا، جۇمىسقا ورنالاسۋعا، كاسىپتىك باعىت بەرۋگە، جۇمىسپەن جانە تۇرعىن ۇيمەن قامتامىز ەتىلۋىنە ت.ب. جاستار اراسىندا ءىس-شارالاردى وتكىزۋگە بىرلەسىپ اتسالىسادى.

باتىس قازاقستان وبلىستىق كاسىپوداقتار فەدەراتسياسى مەن «نۇر وتان» پارتياسىنىڭ وبلىستىق فيليالى اراسىندا دا ىنتىماقتاستىق تۋرالى مەموراندۋم جاسالدى.

ەكىجاقتى ارىپتەستىك تۋرالى مەموراندۋم نەگىزىندە وڭىردەگى ەڭبەكشى قاۋىمنىڭ كوپتەگەن ماسەلەلەرىن بىرلەسە تالقىعا سالىپ، شەشۋگە ىقپال ەتۋ جوسپارلانعان.

سونىمەن قاتار، پارتيا قۇرامىنداعى جۇمىسشىلاردىڭ ەڭبەك قۇقىقتارى مەن مۇددەلەرىن كوزدەۋ، ەڭبەك نارىعىن قورعاۋ بويىنشا باقىلاۋدى جۇزەگە اسىرۋ كوزدەلگەن. اتالعان باعىتتا «تاتۋلاسۋ ورتالىقتارى» ارقىلى پارتيانىڭ جانە كاسىپوداقتىڭ قوعامدىق قابىلداۋلارىن ۇيىمداستىرىپ، جۇمىسشىلار مەن جۇمىس بەرۋشىلەردىڭ قۇقىعىن قورعاۋعا كەلىسكەن.  وسى ورايدا 2020 جىلعا ارنالعان بىرلەسكەن جۇمىس جوسپارى دا تۇزىلگەن ەكەن.

ەستەرىڭىزگە سالا كەتەيىك، بيىل اقپاندا كاسىپوداقتار فەدەراتسياسى مەن «نۇر وتان» پارتياسى اراسىندا ءوزارا ارىپتەستىك جانە ىنتىماقتاستىق مەموراندۋمىنا قول قويىلعان بولاتىن.

مەملەكەت باسشىلىعىمەن بىلتىرعى، 2019 جىل جاستار جىلى بولىپ جاريالانعاندا قازاقستان كاسىپوداقتار فەدەراتسياسى جاستارعا قولداۋ رەتىندە، ولاردىڭ ەڭبەك نارىعىنداعى مۇمكىندىكتەرىن ارتتىرىپ، قولداۋ كورسەتۋ تۋرالى ساياسات ۇستانعان.

«كەلەشەك» جاستار قوزعالىسى بەلسەندىلەرى دە  جاستاردىڭ كاسىپوداق جۇيەسىندەگى ءرولى مەن ولاردىڭ اتالمىش ۇيىممەن بايلانىسىن جاقسارتۋ جاي ءسوز بولعان.

جاستاردىڭ زاماناۋي ءبىلىم مەن ولاردىڭ جۇمىسقا ورنالاسۋى، جاستارعا لايىقتى جاعداي جاساۋ مەن عىلىمي-تەحنيكالىق الەۋەتىن ارتتىرۋ ىسىندە كاسىپوداقتار فەدەراتسياسىنىڭ ءھام ونىڭ جانىنان قۇرىلعان كاسىپوداق جاستارى ۇيىمدارىنىڭ اتقارار ءرھلى ەرەكشە بولماق.

مەملەكەت باسشىلارى دا كاسىپوداقتار فەدەراتسياسى مەن ەڭبەك جاستارىنا باسا نازار اۋدارۋعا نيەتتىلىكتەرىن بىلدىرگەن. اسىرەسە، «قازاقستاننىڭ 100 جاڭا ەسەمى»، «قازاقستاننىڭ ەڭبەك جاستارى» سەكىلدى باعدارلامالار جاستاردى الەۋەتتەندىرۋدىڭ ماڭىزدى تەتىگى بولىپ تابىلادى.

مەملەكەت باسشىسى قاسىم-جومارت توقاەۆ بىلتىر ەرىكتىلەر جىلىن جاريالاعان جيىندا: «قازاقستان - جاستاردىڭ مەملەكەتى! ولار ەل دامۋىنىڭ قوزعاۋشى كۇشى! بارلىق مەملەكەتتىك ورگانداردىڭ نەگىزگى مىندەتى - جاستارعا قولداۋ كورسەتۋ، ولارعا جاعداي جاساۋ، وڭ باستامالارىنا دەمەۋ بەرۋ»، دەگەن بولاتىن.

سونداي-اق، پرەزيدەنت ءوز سوزىندە «جاس كاسىپكەر» باعدارلاماسى اياسىندا جاستاردىڭ بيزنەس باستامالارىن دامىتۋ، سول ارقىلى ەكونوميكانىڭ نەگىزگى سەكتورىنداعى ستارتاپ جوبالارعا قولداۋ كورسەتۋدىڭ ماڭىزدىلىعىنا توقتالعان. اسىرەسە، قىزمەتى مەن ءبىلى جوق نەمەسە جۇمىس تاجىربيەسى جوق جاستارعا مەملەكەت تاراپىنان قولداۋ جاسالۋى ءتيىس دەگەن بولاتىن.

Abai.kz