ءماسىموۆتىڭ جاۋابى
قىركۇيەكتىڭ 26 سىندا ۇكىمەت باسشىسىنا قاراتىپ، «ءماسىموۆ احاڭا ەسكەرتكىش قويا الا ما؟» دەگەن تاقىرىپپەن ماقالا جاريالاعان ەدىك. وندا رەسەي ۇكىمەت باسى ۆ.پۋتين پ.ستولىپينگە ارناپ ەسكەرتكىش قويۋ ءۇشىن مينيسترلەر مەن مەملەكەتتىك كومپانيالاردىڭ باسشىلارىنا قاراجات جيناۋعا نۇسقاۋ بەرگەنىن ءسويتىپ، رەسەيلىك شەنەۋنىكتەر پاتشا وكىمەتىن باسقارعان ستولىپين ءۇشىن اقشا اۋدارا باستاعانى ايتىلعان ەدى. ءبىز، رەسەيلىك ارىپتەسىنەن ۇلگى الىپ، ءماسىموۆ مىرزا دا كەيىنگى كەزدە ءوزى ەڭبەگىن زەرتتەپ جۇرگەن احمەت بايتۇرسىنۇلىنا ەسكەرتكىش قويسا، شىركىن، دەپ ۇمىتكە تولى ماتەريال شىعارىپ، ونى پرەمەر ءمينيستردىڭ بلوگىنا سالعان ەدىك.
كەلگەن جاۋاپ مىناۋ:
وبراششەنيە № 103048 وت 05.10.2011 ء(ومىرجان) نا يميا پرەمەر-مينيسترا رك
PRESSA pressa@astana.kz كومۋ: منە, Nurgazina_NZh
پوكازات دەتالي 10:49 (23 چ. نازاد)
103048
نا راسسموترەني
05.10.2011 15:37:47
ءومىرجان
abdihalyh.imanjusyp.omirjan@gmail.com
http://old.abai.kz/content/mesimov-akhana-eskertkish-koya-ala-ma
جاۋاپ:
قىركۇيەكتىڭ 26 سىندا ۇكىمەت باسشىسىنا قاراتىپ، «ءماسىموۆ احاڭا ەسكەرتكىش قويا الا ما؟» دەگەن تاقىرىپپەن ماقالا جاريالاعان ەدىك. وندا رەسەي ۇكىمەت باسى ۆ.پۋتين پ.ستولىپينگە ارناپ ەسكەرتكىش قويۋ ءۇشىن مينيسترلەر مەن مەملەكەتتىك كومپانيالاردىڭ باسشىلارىنا قاراجات جيناۋعا نۇسقاۋ بەرگەنىن ءسويتىپ، رەسەيلىك شەنەۋنىكتەر پاتشا وكىمەتىن باسقارعان ستولىپين ءۇشىن اقشا اۋدارا باستاعانى ايتىلعان ەدى. ءبىز، رەسەيلىك ارىپتەسىنەن ۇلگى الىپ، ءماسىموۆ مىرزا دا كەيىنگى كەزدە ءوزى ەڭبەگىن زەرتتەپ جۇرگەن احمەت بايتۇرسىنۇلىنا ەسكەرتكىش قويسا، شىركىن، دەپ ۇمىتكە تولى ماتەريال شىعارىپ، ونى پرەمەر ءمينيستردىڭ بلوگىنا سالعان ەدىك.
كەلگەن جاۋاپ مىناۋ:
وبراششەنيە № 103048 وت 05.10.2011 ء(ومىرجان) نا يميا پرەمەر-مينيسترا رك
PRESSA pressa@astana.kz كومۋ: منە, Nurgazina_NZh
پوكازات دەتالي 10:49 (23 چ. نازاد)
103048
نا راسسموترەني
05.10.2011 15:37:47
ءومىرجان
abdihalyh.imanjusyp.omirjan@gmail.com
http://old.abai.kz/content/mesimov-akhana-eskertkish-koya-ala-ma
جاۋاپ:
كەشىرىڭىز، ءسىزدىڭ سۇراعىڭىز استانا قالاسى اكىمدىگىنىڭ قۇزىرەتىنە كىرمەيدى.
ءسوز بولىپ وتىرعان ماقالانىڭ استانا قالاسى اكىمدىگىنە ءۇش قايناسا سورپاسى قوسىلمايدى. ءارى ماتەريال ك.ءماسىموۆتىڭ جەكە بلوگىنا سالىنعان.
ال، جاۋاپ «مۇرنىڭ قايسى دەسە، اۋزىن كورسەتىپتى». مىنە، ءبىزدى بيلەپ وتىرعان بيلىكتىڭ كەيپى. قايران ءسوزىم قور بولعان...
«اباي-اقپارات»
ءماسىموۆ احاڭا ەسكەرتكىش قويا الا ما؟
پاتشالىق رەسەي وكىمەتىن باسقارعان پەتر ءستولىپيننىڭ 2012 جىلى تويلانعالى وتىرعان150 جىلدىق تويىن ۇيىمداستىرۋ جونىندە قۇرىلعان توپتىڭ وتىرىسىندا رەسەيدىڭ قازىرگى پرەمەر-ءمينيسترى ۆلاديمير پۋتين: «ءار مينيستر ستولىپيننىڭ ەسكەرتكىشىن ورناتۋعا كەم دەگەندە ءبىر ايلىق جالاقىسىن اۋدارۋى ءتيىس»، - دەپ وزىنە باعىنىشتى لاۋازىمدى قىزمەتكەرلەرگە قاراتىپ مالىمدەمە جاساعان ەدى.
سودان باستىقتارىنىڭ ءسوزىن ەكى ەتپەيتىن رەسەي ۇكىمەتىنىڭ مينيسترلەرى بىرىنەن سوڭ ءبىرى ايلىق تابىستارىن ەسكەرتكىشتى تۇرعىزۋ قورىنا اۋدارا باستاعان. العاشقى بولىپ «سبەربانكتىڭ» توراعاسى گەرمان گرەف 500 مىڭ رۋبل، ونىڭ ءىزىن الا ۆيتسە-پرەمەر ۆيكتور زۋبكوۆ - 203 مىڭ، كولىك ءمينيسترى يگور لەتيۆين - 141 مىڭ، تابيعات ءمينيسترى يۋري ترۋتنەۆ - 152 مىڭ، قارجى ءمينسترى الەكسەي كۋدرين - 172 مىڭ رۋبل ءستولىپيننىڭ تاس مۇسىنىنە سالۋعا شىتىرلاتىپ ساناپ بەرگەن. ءسويتىپ، پ. ءستولىپينىڭ مۇرالارىن زەرتتەۋ قورىنىڭ پرەزيدەنتى پاۆەل پوجيگايلونىڭ ەسەبىنشە، از ۋاقىت ىشىندە 6 ملن. رۋبل جينالىپتى. بۇل - رەسەي ۇكىمەت مۇشەلەرىنىڭ ۇلتتىق، مەملەكەتتىك سانالارىنىڭ تازا، بيىك ەكەنىنىڭ ءبىر ايعاعى بولسا كەرەك.
ورىس ەلىنىڭ ەكى تىزگىن ءبىر شىلبىرىن قولىنا ۇستاعان بيلىك وكىلدەرىنىڭ ايلىعىن اياماي، تاس تۇعىر ورناتۋعا قۇلشىنىپ، 150 جىلدىعىن ۇلان-اسىر تويلاماق بولىپ جاتقان، ءارى بۇگىنگى رەسەي ۇلى رەفورماتور سانايتىن ستولىپين كىم ەدى؟
ستولىپين 1905 جىلعى رەسەيدەگى كوتەرىلىستى باسىپ-جانشىعاننان كەيىن اگرارلىق ساياسات جاساپ، وتار قازاق دالاسىن تالاۋعا سالىپ، ىشكى رەسەيدەن قازاق جەرىنە بۇرىن-سوڭدى بولماعان اسا كوپ مولشەردەگى ورىس شارۋالارىن قونىستاندىردى. كەلىمسەك ورىستارعا قيتۇرقى ساياساتپەن قازاقتىڭ شۇرايلى جەرلەرىن تارتىپ الىپ بەرىپ، قازاق حالقىنىڭ اتا قونىسىن تارىلتىپ، توز-توزىن شىعاردى. ءدال وسى ءستولىپيننىڭ جەر ساياساتىنا الاشوردانىڭ اياۋلى قايراتكەرلەرى ءاليحان بوكەيحان، احمەت بايتۇرسىنۇلى قارسى شىعىپ، جانىن سالىپ قازاق جەرىن قورعادى. ەلدى پاتشا ۇكىمەتىنىڭ كەزەكتى ارباۋىنا ءتۇسىپ قالماۋعا شاقىرىپ، جارعاق قۇلاقتارى جاستىققا تيمەي جۇمىس جاسادى. سونىڭ ارقاسىندا بۇگىنگى تاۋەلسىز قازاقستاننىڭ الىپ تەرريتوريالىق تۇتاستىعى ساقتالىپ قالدى.
سول اياۋلى احاڭنىڭ - احمەت بايتۇرسىنۇلىنىڭ قىزمەتى مەن ەڭبەگىن قازاقستان ۇكىمەتىنىڭ باسشىسى كارىم ءماسىموۆ مىرزا زەرتتەپ، زەردەلەپ جۇرگەنىن tweetter الەۋمەتتىك جەلىسىندە ءوز اۋزىمەن ايتتى. ءتىپتى، سونىڭ دالەلىندەي بىرنەشە رەت ۇكىمەت وتىرىستارىندا احمەت بايتۇرسىنۇلىنىڭ التىن سوزدەرىمەن اڭگىمەسىنىڭ شىرايىن كەلتىرگەنىن دە كورگەنبىز.
ال، تەرىستىكەگى كورشى مەملەكەتتىڭ ۇكىمەت باسى پۋتين بولسا، ءبىزدىڭ كارىم قاجىمۇقانۇلىنىڭ كەدەندىك وداق، شانحاي ىنتىماقتاستىق ۇيىمى، ەۋروازيالىق ەكونوميكالىق وداق سەكىلدى حالىقارالىق ۇيىمدارداعى قويان-قولتىق ارالاسىپ جۇرگەن ارىپتەسى ءارى دوسى.
ءپۋتيننىڭ ستولىپين ءۇشىن قانداي قادامعا بارىپ وتىرعانىن جوعارىدا باياندادىق. ەندەشە، ءبىزدىڭ كارىم اعامىز دا ءتاڭىرى دارەجەسىن اسىرىپ، دارگەيىنە باعىندىرىپ بەرگەن مينيسترلەرىن ءبىر ءۇيدىڭ بالاسىنداي جۇمىلدىرا وتىرىپ، ايلىقتارىن اۋدارتىپ، ستولىپينگە قاسقايىپ قارسى شاپقان، ەلى مەن جەرىن تالاۋدان قۇتقارعان احمەت بايتۇرسىنۇلىنا ارناپ استانانىڭ تورىنەن اسقاقتاعان ەسكەرتكىش ورناتاتىن شىعار.
كارىم ءماسىموۆ مىرزا رەسەيلىك ارىپتەسىنەن ۇلگى الا وتىرىپ، وسى ءىستى اتقارىپ شىقسا، ول - تاۋەلسىزدىكتىڭ 20 جىلدىعىنا جاسالعان تەڭدەسسىز تارتۋ بولماق.
P.S.
ەگەر بۇل ۇسىنىستى ۇكىمەت باسشىسى قابىل الىپ، ىسكە كىرىسسە، «اباي.كز» ۇجىمى مينيسترلەردىڭ شايلىعىنا تاتىمايتىن بولسا دا ءبىر ايلىق ەڭبەك اقىلارىن اۋدارۋعا دايىن!
«اباي-اقپارات»
