قر دەنساۋلىق ساقتاۋ مينيسترلىگى اقمولا وبلىسىندا كوروناۆيرۋستان ءبىر ناۋقاس كوز جۇمعانىن مالىمدەدى.

اقمولا وبلىسىنىڭ دەنساۋلىق ساقتاۋ باسقارماسى وكىلى قايتىس بولعان ادام تۋرالى اقپارات بەردى.

"بۇل 1936 جىلعى ەر ادام. الەۋمەتتىك قىزمەتتەر كورسەتۋ ورتالىعىنىڭ قامقورلىعىندا بولعان. 5 ساۋىردەن باستاپ كوكشەتاۋ تەمىر جول اۋرۋحاناسىنىڭ پروۆيزورلىق ستاتسيونارىندا كارانتيندە بولعان.

9 ساۋىردە اقمولا وبلىستىق تۋبەركۋلەزگە قارسى ديسپانسەرگە ەمدەۋگە جاتقىزىلدى. جاعدايى وتە اۋىر، يۆل اپپاراتىندا بولدى.

دياگنوز: اۋىر دارەجەدەگى ەكى جاقتى جاپپاي پنەۆمونيا، ۆيرۋستىق ەتيولوگيانىڭ ءجىتى اعىمى", - دەلىنگەن حابارلامادا.

قوسىمشا اۋرۋلارى: ارتەريالىق گيپەرتەنزيا، ءسووا، جۇرەكتىڭ يشەميالىق اۋرۋى.

ايتا كەتەيىك، بۇگىندە ەلىمىزدە اتالعان ۆيرۋستان  جازىلعاندار سانى 110-عا جەتتى.

نۇر-سۇلتان قالاسىندا 5 ادام، اتىراۋ وبلىسىندا 3 ادام، قىزىلوردا وبلىسىندا 1 ادام، ماڭعىستاۋ وبلىسىندا 1 ادام اۋرۋدان ايىقتى.

Abai.kz