تاكسي قىزمەتى قازاقتار ءۇشىن ەمەس! ءوز باسىم وسىنى ۇقتىم. جۋىردا كۇنىم ءتۇسىپ، استانالىق تاكسيگە جۇگىنۋگە تۋرا كەلدى. سودان ينتەرنەتتەن ىزدەستىرىپ، مىنا سايتتىڭ http://j-b.kz/taxi استانا تاكسيلەرىنىڭ بار دەرەگىن بەرەتىنىنە سەنىپ، اشىپ قالسام، شىنىندا دا كەستە تولى تاكسي سەرىكتەستىكتەرى شىعا كەلمەسى بار ما؟! ءتاڭىر جارىلقاعىر! بىراق، ءبىر قازاقشا ءسوز تابا المادىم، كەستەدە تىزىلگەن تەلەفونعا جوعارىدان تومەن قاراي بىرىنەن سوڭ ءبىرىن تەردىم. ديسپەتشەر قىزدار جاڭىلماستان ورىسشا سويلەدى، مەن دە ولاردىڭ ءسوزىن ءتۇسىنىپ، باسقا ءتىل بولماعاسىن (بولعاندا دا، قازاقشانى سۇرلەيمىن بە؟) قازاقشامدى جالعاستىرا بەردىم: «مەن تۇراقتى كليەنت بولعىم كەلەدى، ول ءۇشىن ماعان قانداي جەڭىلدىك بار؟» ارعى جاقتاعى قىز اڭتارىلىپ، ءۇنسىز قالادى دا، «گاباريتە، بارۋسكەي؟» دەيدى. ءبارى دە ءبىر بىرىمەن كەلىسكەندەي، ءبىر ءبىرىن قايتالايدى. مەن ورىسشا بىلمەيتىنىمدى ايتسام، باتشاعار قىزدار، تۇتقانى قويا سالادى. سوندا بارىپ، ۇقتىم - كەستەدەگى تاكسيلەر قازاقتارعا قىزمەت ەتپەيدى ەكەن... بىراق قازاققا قىزمەت ەتەر تاكسيدى ينتەرنەتتەن قازاقشا ىزدەپ تابا المادىم!.. الگى سايتقا قايتا ورالىپ، 28 كومپانيانىڭ تەلەفونىن تەرۋدى جالعاي بەردىم دە، 10-عا جەتىپ ەدىم، مىڭ بولعىر بىرەۋ قازاقشا ساڭق ەتىپ جاۋاپ بەردى.ول «اڭقىل» (كەستەدە «انگەل» دەگەن جازۋ تۇر) دەگەن فيرما ەكەن. ءسويتىپ، 28 كومپانيانىڭ ءاربىر ونىنشىسى عانا قازاقشا بىلەتىن (ورىسشا بىلەتىنىندە كۇمان جوق) ادام تاۋىپتى، ءماز بولدىم.

تاكسي قىزمەتى قازاقتار ءۇشىن ەمەس! ءوز باسىم وسىنى ۇقتىم. جۋىردا كۇنىم ءتۇسىپ، استانالىق تاكسيگە جۇگىنۋگە تۋرا كەلدى. سودان ينتەرنەتتەن ىزدەستىرىپ، مىنا سايتتىڭ http://j-b.kz/taxi استانا تاكسيلەرىنىڭ بار دەرەگىن بەرەتىنىنە سەنىپ، اشىپ قالسام، شىنىندا دا كەستە تولى تاكسي سەرىكتەستىكتەرى شىعا كەلمەسى بار ما؟! ءتاڭىر جارىلقاعىر! بىراق، ءبىر قازاقشا ءسوز تابا المادىم، كەستەدە تىزىلگەن تەلەفونعا جوعارىدان تومەن قاراي بىرىنەن سوڭ ءبىرىن تەردىم. ديسپەتشەر قىزدار جاڭىلماستان ورىسشا سويلەدى، مەن دە ولاردىڭ ءسوزىن ءتۇسىنىپ، باسقا ءتىل بولماعاسىن (بولعاندا دا، قازاقشانى سۇرلەيمىن بە؟) قازاقشامدى جالعاستىرا بەردىم: «مەن تۇراقتى كليەنت بولعىم كەلەدى، ول ءۇشىن ماعان قانداي جەڭىلدىك بار؟» ارعى جاقتاعى قىز اڭتارىلىپ، ءۇنسىز قالادى دا، «گاباريتە، بارۋسكەي؟» دەيدى. ءبارى دە ءبىر بىرىمەن كەلىسكەندەي، ءبىر ءبىرىن قايتالايدى. مەن ورىسشا بىلمەيتىنىمدى ايتسام، باتشاعار قىزدار، تۇتقانى قويا سالادى. سوندا بارىپ، ۇقتىم - كەستەدەگى تاكسيلەر قازاقتارعا قىزمەت ەتپەيدى ەكەن... بىراق قازاققا قىزمەت ەتەر تاكسيدى ينتەرنەتتەن قازاقشا ىزدەپ تابا المادىم!.. الگى سايتقا قايتا ورالىپ، 28 كومپانيانىڭ تەلەفونىن تەرۋدى جالعاي بەردىم دە، 10-عا جەتىپ ەدىم، مىڭ بولعىر بىرەۋ قازاقشا ساڭق ەتىپ جاۋاپ بەردى.ول «اڭقىل» (كەستەدە «انگەل» دەگەن جازۋ تۇر) دەگەن فيرما ەكەن. ءسويتىپ، 28 كومپانيانىڭ ءاربىر ونىنشىسى عانا قازاقشا بىلەتىن (ورىسشا بىلەتىنىندە كۇمان جوق) ادام تاۋىپتى، ءماز بولدىم. ويىمدا ەگەمەن ەلدىڭ ازاماتىمىن دەگەن وي بولعان جوق. تەك قانا قازاقشا بىرەۋدىڭ تابىلعانىنا ءمازبىن.

ارينە، مەن قازاقپىن عوي، رەنجىگەن دە جوقپىن، انالارمەن ايقايلاسقان دا جوقپىن. تاۋەلسىز قازاق بولعاسىن ايقايدان تاۋەلسىز بولعانعا نە جەتسىن!

دەگەنمەن، سانامنىڭ ساڭىلاۋىنا ءبىر وي جىلت ەتتى. قيال بولار... عايىپتان تايىپ، ەگەر دە مەن سياقتى «مەڭىرەۋ» قازاقتاردىڭ كۇنىگە ەلۋى الگى 28 «پامپيلوبشىلاردى» قازاقشاسىمەن بومبىلاسا شە. پروكۋراتۋراعا جازسا، قالالىق پروكۋراتۋراعا كۇنىگە ەلۋ حات تۇسسە. ەڭ بولماسا ءبىر-ەكەۋى 7-ارناعا شىعىپ، (بۇل ارنا ەلدەگى بىلىقتاردىڭ شىلىعىن شىعارۋعا قۇمار دەگەنىم عوي) الگىلەردى اشكەرەلەپ تاستاسا. وعان دا قاراماي، جىگەرلىلەۋ ۇشەۋى كومپانيالاردىڭ الگى احۋالىن اكتىلەپ تۇرىپ، سوتقا بەرسە شە؟ سودان استاناداعى ءتىل باسقارماسىن باسقاراتىن ورازگۇل دەگەن اتاقتى اپايىمىز ەلوردانىڭ شاڭىن شىعارىپ، بارلىق كوممەرتسيالىق قىزمەتتىڭ قازاققا قىزمەت ەتۋ قابىلەتىن تەكسەرىپ، استى-ۇستىنە شىعارسا... ساۋد ارابياسىنا جىلىنا ەكى-ءۇش رەت قاجىلىققا بارماسا ىشتەرى اۋىراتىن ءبىر توپ جىگىتتەر قالتالارىنان ۋىستاپ لاقتىرىپ، پىسىق ستۋدەنتتەرگە لاقتىرسا: «ءما، قۇقىقتارىڭدى قورعاڭدار!» دەپ!

ويپىرماي، كوكىپ كەتتىم-اۋ! ءازىل-شىنى ارالاس قوي! كىم نە ىستەر دەيسىڭ...

«اباي-اقپارات»