"باس دارىگەردى قىزمەتىنەن الدى. قازىر 200 مەديتسينالىق قىزمەتكەر اۋىرىپ جاتىر. ول ءوزىنىڭ ۇيىمداستىرۋدان قاتەلىك جىبەرگەنىن ءتۇسىنىپ، ارىز جازدى", - دەپ مالىمدەدى الماتى دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ.

اپتانىڭ باسىندا الماتىداعى ورتالىق قالالىق كلينيكالىق اۋرۋحانانىڭ كارانتينگە جابىلعانى حابارلانعان. كارانتيندە جاتقان ونداعان دارىگەرلەر ديرەكتوردىڭ قىزمەتىنەن الىنعانىن ەستىپ، جۋۆاشەۆتى قايتارۋدى تالاپ ەتىپ ۆيدەو ۇندەۋ جاريالادى. جۋۆاشەۆ 2019 جىلدىڭ مامىر ايىندا تاعايىندالعان. وعان دەيىن باسشىلىقتا بولعان نۇرلان تۇردالين 2019 جىلدىڭ ناۋرىز ايىندا كوررۋپتسيا كۇدىگىمەن ۇستالعان.

رەسمي مالىمەت بويىنشا، اۋرۋحانانىڭ 182 قىزمەتكەرى ۆيرۋس جۇقتىرعان.

قازىر اۋرۋحانانىڭ باس دارىگەرى مىندەتىن اتقارۋشى قىزمەتىنە 2012–2017 جىلدارى اتالعان اۋرۋحانانىڭ باسشىسى بولعان مارات ابدۋللاەۆ تاعايىندالدى.

Abai.kz