قازاقستاندا تءوتەنشە جاعداي كەزءىندە تابىسىنان ايىرىلعان ازاماتتارعا مەملەكەتتءىك ءالەۋمەتتءىك ساقتاندىرۋ قورىنان جءاردەماقى بەرۋ تۋرالى شەشءىم قابىلداندى. وسى ورايدا، ءالەۋمەتتءىك كءومەككە قول جەتكءىزگەن ازاماتتار مەملەكەتتءىك قولداۋعا قاتىستى ءوز ويلارىن بءىلدءىردءى.

كوكشەتاۋ قالاسىنىڭ تۇرعىنى قادىر قاسىمجانوۆ 61 جاستا.  ۇل مەن قىز تاربيەلەپ وتىرعان ارداقتى اكە. قۇرىلىس سالاسىنا بار عۇمىرىن ارناعان اقساقالدىڭ ۇيدە جۇمىسسىز وتىرعانىنا 1 جىلدىڭ كولەمى بولعان.

-ءبىز سياقتى جۇمىسسىز وتىرعان ەگدە ادامدارعا ۇكىمەتتىڭ بەرىپ جاتقان جاردەماقىسى كىشكەنتاي بولسا دا، كومەك بولىپ تۇر. وسىدان ءبىر جىل بۇرىن كۇزەتتە قىزمەت اتقاردىم. قازىر ۇيدە جۇمىسسىز وتىرمىن. جاسىما بايلانىستى كوپ مەكەمە جۇمىسقا العىسى كەلمەيدى. "ۇكىمەتتەن جۇمىسسىزدارعا وسىنداي كومەك بەرىپ جاتىر" دەگەندى ەستىگەن بويدا 3 ءساۋىر كۇنى بانككە بارىپ، ءوتىنىم تولتىردىم. مىنە، بۇگىن 42 500 تەڭگەنى الىپ وتىرمىن. وتە قۋانىشتىن. وسىنداي ءبىز سياقتى جۇمىسسىز ادامدارعا ۇكىمەت تاراپىنان كومەك كورسەتىلىپ وتىرعانىنا ريزامىن. پرەزيدەنتىمىزگە العىسىمدى بىلدىرەمىن، - دەدى قادىر قاسىمجانوۆ.

42 500 تەڭگە كولەمىندەگى جاردەماقى العانداردىڭ قاتارىندا پەتروپاۆل قالاسىنىڭ تۇرعىنى بالحيا جانىبەكوۆا دا بار.  24 جاستاعى جاس انا بالا كۇتىمىنە بايلانىستى ۇيدە وتىر. بۇرىن-سوڭدى ەشقانداي جۇمىس ورنىندا تىركەلمەگەن.

-توتەنشە جاعداي كەزىندە جۇمىسسىزدارعا بەرىلىپ جاتقان كومەكتى الۋعا قارسى بولمادىم. ارينە، ءبىز سياقتى جاس وتباسىعا مۇنداي كومەك كوپتىك ەتپەيدى. جولداسىم قۇقىققورعاۋ ورگاندارىندا قىزمەت اتقارادى. ول - وتباسىمىزدىڭ جالعىز اسىراۋشىسى. ءبىزدىڭ 1 جاسار قىزىمىز بار. قازىر وسى بالا كۇتىمىنە بايلانىستى ۇيدە وتىرمىن. وتە ريزامىن. ءوتىنىمدى تولتىرعاننان كەيىن ءبىر جۇمانىڭ ىشىندە اقشا ءتۇستى. جۇمىسسىز وتىرعان ءاربىر جانعا وسىنداي اقشالاي قولداۋ كەرەك دەپ ويلايمىن، - دەدى جاس انا.

جەكە كاسىپكەر اقنۇر جامبىلوۆا دا جاردەماقى العانداردىڭ قاتارىندا. ونىڭ ايتۋىنشا، ول ەشقايدا ءوتىنىم جىبەرمەگەن.

-باسىندا ءوتىنىم بەرۋگە ۇيالعانىم راس. سەبەبى مەنەن دە مۇقتاج جاندار كوپ دەپ ويلادىم. سولاردىڭ بىرەۋىنە بۇيىرسىن دەدىم. الايدا، 10 ءساۋىر كۇنى تاڭەرتەڭ "42 500 تەڭگە تاعايىندالدى" دەگەن حابارلاما كەلدى. تاڭ قالدىم. سويتسەم، جەكە كاسىپكەرلەرگە اۆتوماتتى تۇردە جاردەماقى ءتۇسىپ جاتىر ەكەن. ارينە، قۋاندىم. كىشكەنە بولسىن كومەك. جولداسىم ەكەۋمىزدىڭ ءتورت بالامىز بار. جولداسىم توتەنشە جاعداي كەزىندە دە جۇمىس ىستەپ جاتىر. مەن بالالارمەن ۇيدەمىن. سوندىقتان جاردەماقى بەرگەن جاندارعا العىس ايتامىن، - دەدى نۇر-سۇلتاندىق جەكە كاسىپكەر.

مەڭسۇلۋ ەلامانقىزى

دەرەككوز: baq.kz

Abai.kz