مەملەكەت باسشىسى قاسىم-جومارت توقاەۆ الەۋمەتتىك جەلىدە باستاۋ العان «قانداي كىتاپ وقىپ جاتىرسىز؟» چەللەندج-ەستافەتاسىن قولدايتىنىن ءبىلدىرىپ، كارانتين كەزىندە وقۋعا 30 كىتاپتىڭ ءتىزىمىن ۇسىندى. پرەزيدەنت بۇل تۋرالى instagram پاراقشاسىندا جاريالاعان.

«قازىرگىدەي ەلەڭ-الاڭ ۋاقىتتا بارشاڭىزدىڭ كۇندەلىكتى تىرشىلىكتەرىڭىز وزگەرىسكە ۇشىراعانى بەلگىلى. پاندەميادان قورعانۋدىڭ بىردەن-ءبىر جولى – الەۋمەتتىك وقشاۋلانۋ، ياعني ۇيدە بولۋ ەكەنىن جاھان جۇرتشىلىعى مويىنداپ وتىر. ارينە، بۇل – ۋاقىتشا قۇبىلىس، وتپەلى كەزەڭ. دەگەنمەن، وسى ۋاقىتتى بارىنشا ءتيىمدى پايدالانۋ – ءاربىر ادامنىڭ ءوز قولىندا.

سوندىقتان، وسى كارانتين كۇندەرى اقىن-جازۋشىلار، جۋرناليستەر، مادەنيەت قايراتكەرلەرى جانە قاتارداعى ازاماتتارىمىز الەۋمەتتىك جەلىدە «قانداي كىتاپ وقىپ جاتىرسىز؟» چەللەندج-ەستافەتاسىن ۇيىمداستىرعان ەكەن. بۇل باستامانى تولىق قولدايمىن جانە وسىنداي يگى ءىستى قولعا العان وتانداستارىما شىنايى ريزاشىلىعىمدى بىلدىرەمىن.

شىن مانىندە، كىتاپ وقۋ – رۋحاني كەمەلدەنۋدىڭ كوزى دەسەم ارتىق ەمەس. قازىرگى ۋاقىت – سەكۋند سايىن جاڭارعان اقپارات زامانى. جالعان دەرەكتىڭ، شىندىققا جاناسپايتىن قاۋەسەتتەردىڭ دە تەز تاراپ جاتقانىن كورىپ وتىرمىز. سوندىقتان، مۇنداي جاعدايعا مەيلىنشە جول بەرمەۋ ءۇشىن التىن ۋاقىتىمىزدى وسىنداي پايدالى ىستەرگە جۇمساعانىمىز ءجون»،- دەپ جازدى توقاەۆ.

سونىمەن قاتار، پرەزيدەنت قر جازۋشىلار وداعىنىڭ توراعاسى ۇلىقبەك ەسدالەۋلەتتىڭ ەستافەتاسىن قابىلداي وتىرىپ، بىرنەشە شىعارمالاردى وقۋدى ۇسىندى.

پرەزيدەنت قازىر وقىپ جاتقان شىعارمالار مەن باسىلىمدار:
⠀
1. ءجۇسىپ بالاساعۇن. قۇتتى بيلىك،

2. اباي قۇنانباەۆ. حيكمەت كىتابى. كنيگا مۋدروستي. Book of wisdom,

3. Winston Churchill. The Second World War. Volume III. The Grand Alliance,

4. تۇرسىن جۇرتباي. قۇنانباي،

5. ەرلان سىدىكوۆ. كۋنانباي،

6. ادام تۋز. كراح. كاك دەسياتيلەتيە فينانسوۆىح كريزيسوۆ يزمەنيلو مير،

7. الەك روسس. يندۋستري بۋدۋششەگو. The Industries of the future,

8. كەۆين كەللي. نەيزبەجنو. 12 تەحنولوگيچەسكيح ترەندوۆ، كوتورىە وپرەدەليايۋت ناشە بۋدۋششەە،

9. Parag Khanna. The Future is Asian,

10. «قازاق ادەبيەتى»، «انا ءتىلى»، «Turkistan» جانە ت.ب. گازەتتەر، «جۇلدىز» جۋرنالى.
⠀
«وسى مۇمكىندىكتى پايدالانىپ، بۇل ەستافەتانى بارشا وتانداستارىما، اسىرەسە، جاستارعا جولدايمىن جانە تومەندەگى ادەبيەتتەردى وقۋعا كەڭەس بەرەمىن»، - دەدى مەملەكەت باسشىسى.

پرەزيدەنت ۇسىنعان 30 كىتاپ:

1. اباي قۇنانبايۇلىنىڭ ولەڭدەرى، قارا سوزدەرى،

2. ءابۋ ناسىر ءال-ءفارابيدىڭ فيلوسوفيالىق تاراكتاتتارى،

3. مۇحتار اۋەزوۆ "اباي جولى",

4. ءابىش كەكىلباەۆ. "ۇركەر" جانە ت.ب شىعارمالارى،

5. ءىلياس ەسەنبەرليننىڭ شىعارمالارى،

6. ورالحان بوكەي "ۇيقىم كەلمەيدى",

7. ءابدى-ءجامىل نۇرپەيىسوۆتىڭ شىعارمالارى،

8. قابدەش ءجۇمادىلوۆ "دارابوز", "تاعدىر", 

9. مۇحتار ماعاۋين "الاساپىران", 

10. دۋلات يسابەكوۆ "قارعىن", 

11. ءىلياس جانسۇگىروۆ ولەڭدەرى، 

12. اكىم تارازي شىعارمالارى،

13. روزا مۇقانوۆانىڭ پەسالارى، 

14. سماعۇل ەلۋباي. "اقبوز ءۇي" جانە تاعى باسقا شىعارمالارى، 

15. مۇقاعالي ماقاتاەۆتىڭ ولەڭدەرى.

الەمدىك ادەبيەت:

16. فەدور دوستوەۆسكيدىڭ شىعارمالارى، 

17. لەۆ تولستويدىڭ شىعارمالارى، 

18. انتون چەحوۆتىڭ اڭگىمەلەرى، پوۆەستەرى، پەسالارى، 

19.يۆان ءبۋنيننىڭ شىعارمالارى، 

20. ەريح ماريا رەماركتىڭ "نا زاپادنوم فرونتە بەز پەرەمەن" تۋىندىلارى.

پۋبليتسيستيكا، عىلىمي-تانىمدىق ادەبيەت:

21. نيككولو ماكياۆەللي. "گوسۋدار", 

22. الەكسيس دە توكۆيل. "دەموكراتيا ۆ امەريكە", 

23. جان موننە."رەالنوست ي پوليتيكا", 

24. لي كۋان يۋ "يز ترەتەگو ميرا - ۆ پەرۆىي.يستوريا سينگاپۋرا (1965-2000)", 

25. ناوم حومسكي. "سوزداۆايا بۋدۋششەە", 

26. مەتيۋ بارروۋز "بۋدۋششەە: رەسسەكرەچەنو. كاكيم بۋدەت مير ۆ 2030 گودۋ". 

سونىمەن قاتار، "رۋحاني جاڭعىرۋ" باعدارلاماسى اياسىندا اۋدارىلعان شىعارمالار:

27. ەنتوني كەنني. "باتىس فيلوسوفياسىنىڭ جاڭا تاريحى",

28. كلاۋس شۆاب.ء"تورتىنشى يندۋستريالىق رەۆوليۋتسيا",

29. دجون گەمبل، مارگارەت پيتەرەف، ارتۋر تومپسون. "ستراتەگيالىق مەنەدجمەنت نەگىزدەرى: باسەكەلىك ارتىقشىلىققا ۇمتىلۋ",

30. روسس دانن، لورا ميتچەلل. "Panorama: دۇنيە ءجۇزى تاريحى".

Abai.kz