ءالنۇر يلياەشەۆكە قاتىستى سوتقا دەيىنگى تەرگەۋ ءجۇرىپ جاتىر. بۇل تۋرالى الماتى پوليتسياسىنىڭ ءباسپاسوز قىزمەتىنەن حابارلادى.

الماتى پوليتسيا دەپارتامەنتى تەرگەۋ باسقارماسىنىڭ مالىمەتىنشە، ازامات يلياشەۆ جالعان اقپارات تاراتقان دەگەن كۇدىككە ءىلىنىپ وتىر.

«كۇدىكتى قوعامدى ادەيى اداستىرماۋ تۋرالى بىرنەشە رەت ايتىلعان تالاپتاردى ەلەمەدى. ءوزى جاريالاعان اقپاراتتى سوت تالاپ ەتسە دە تەرىستەمەدى.

ناتيجەسىندە سوت ازامات ءا.يلياشەۆكە وعان بۇرىن تاراتىلعان اقپاراتقا قاتىستى شارا قولدانۋدى جانە ونى جوققا شىعارۋدى بۇيىردى.

قازىرگى ۋاقىتتا بۇل فاكتى قىلمىستىق كودەكستىڭ 274-بابى، 2-بولىگى (توتەنشە جاعداي كەزىندە جالعان اقپارات تاراتۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندە تىركەلگەن »، - دەپ حابارلادى الماتى قالالىق دپ ءباسپاسوز قىزمەتى.

ايتا كەتەيىك، ءالنۇر يلياشەۆ ادام قۇقىعى مەن بەيبىت ميتينگىلەر تاقىرىبىندا كوپشىلىك جيىنداردا بەلسەندىلىك تانىتىپ كەلگەن. الايدا ونى كوپشىلىگى جەرگىلىكتى اكىمدىكتى سوتقا بەرگەن بەلسەندى دەپ بىلەدى. بەلسەندى بەيبىت ميتينگ وتكىزۋ ءۇشىن اكىمدىككە 35 رەت ءوتىنىش جازىپ، رۇقسات الا الماعان.

قازىر يلياشەۆ ۇستالىپ، ۋاقىتشا ۇستاۋ يزولياتورىنا قامالدى. ءتيىستى تەرگەۋ شارالارى جۇرگىزىلۋدە.

Abai.kz