قر ەكولوگيا، گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ قازاقستاننىڭ ەكى وڭىرىندە سۋ باسۋ قاۋپى بار ەكەنىن ايتتى. بۇل تۋرالى ۆيتسە-مينيستر وكق-دە وتكەن ونلاين-بريفينگىندە مالىمدەگەن. 

گروموۆتىڭ ايتۋىنشا، اقمولا جانە سولتۇستىك قازاقستان وبلىستارىن سۋ باسۋ قاۋپى ءتونىپ تۇرعان كورىنەدى.

"ناۋرىز ايىنىڭ سينوپتيك جاعدايى سۋدى قاۋىپسىز وتكىزۋگە قولايلى بولدى. سونداي-اق تۇندە كۇننىڭ سۋىق بولعانى وزەندەردەگى قاردىڭ بىرتىندەپ ەرۋىنە مۇمكىندىك بەردى. ءساۋىر ايىنىڭ باسىندا نۇرا، شەرۋباي-نۇرا، ەسىل، جاباي، قالقۇتان وزەندەرىنىڭ باسسەيندەرىندە سۋ دەڭگەيى كوتەرىلدى. جالپى ايتقاندا، سۋ باسۋ قاۋپى بولعان 6 ايماقتىڭ ەكەۋىندە قاۋىپ بار. ولار: اقمولا جانە سولتۇستىك قازاقستان وبلىستارى", - دەدى ۆيتسە-مينيستر.

Abai.kz