ҚР экология, геология және табиғи ресурстар вице-министрі Сергей Громов Қазақстанның екі өңірінде су басу қаупі бар екенін айтты. Бұл туралы вице-министр ОКҚ-де өткен онлайн-брифингінде мәлімдеген. 

Громовтың айтуынша, Ақмола және Солтүстік Қазақстан облыстарын су басу қаупі төніп тұрған көрінеді.

"Наурыз айының синоптик жағдайы суды қауіпсіз өткізуге қолайлы болды. Сондай-ақ түнде күннің суық болғаны өзендердегі қардың біртіндеп еруіне мүмкіндік берді. Сәуір айының басында Нұра, Шерубай-Нұра, Есіл, Жабай, Қалқұтан өзендерінің бассейндерінде су деңгейі көтерілді. Жалпы айтқанда, су басу қаупі болған 6 аймақтың екеуінде қауіп бар. Олар: Ақмола және Солтүстік Қазақстан облыстары", - деді вице-министр.

Abai.kz