ىشكى ىستەر ءمينيسترىنىڭ ورىنباسارى يۋري يلين ەلىمىزدە ءورت قاۋپى جوعارى وڭىرلەردى اتادى، - دەپ حابارلايدى Tengrinews.kz.

ونىڭ ايتۋىنشا، ەلىمىزگە كوكتەم ەرتە كەلگەن.

"تۇركىستان، الماتى، پاۆلودار، باتىس قازاقستان وبلىستارىندا ءورت شىعۋ قاۋپى وتە جوعارى. مۇندا 70 ورمان ءورتى جانە 13 دالا ءورتىنىڭ دەرەگى تىركەلدى", - دەدى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

وسى ورايدا يۋري يلين دالا جانە ورمان ءورتىن بولدىرماۋ ماقساتىندا ءتيىستى شارالار جۇرگىزىلىپ جاتقانىن اتاپ ءوتتى.

"جەرگىلىكتى پوليتسيا قىزمەتىنىڭ كومەگىمەن توتەنشە جاعداي دەپارتامەنتىنىڭ قىزمەتكەرلەرى ورمان شارۋاشىلىعىمەن ماماندارىمەن بىرگە رەيد جۇرگىزدى. 156 ادام ۇستالىپ، اكىمشىلىك جاۋاپقا تارتىلدى", - دەدى ءمينيستردىڭ ورىنباسارى.

ۆيتسە-مينيستر جاۋاپقا تارتىلعان ازاماتتاردىڭ ارەكەتى دالا جانە ورمان ءورتىنىڭ پايدا بولۋىنا ىقپال ەتكەنىن، ولارعا ايىپپۇل سالىنعان ايتتى.

Abai.kz