قر ۇكىمەت باسشىسى اسقار مامين ەپيدەميولوگيالىق جاعدايدى ەسكەرە وتىرىپ، كارانتيندىك رەجيمگە وزگەرىستەر ەنگىزۋ جانە بىرتىندەپ جەڭىلدەتۋ تۋرالى ءتيىستى شەشىمدەر قابىلداناتىنىن ايتتى،-دەپ حابارلايدى قازاقپارات.

«20 ساۋىردەن باستاپ، نۇر-سۇلتان مەن الماتى قالالارىندا كارانتيندىك رەجيم جەڭىلدەتىلدى. سانيتارلىق نورمالاردى قاتاڭ ساقتاي وتىرىپ، ەكونوميكانىڭ بىرقاتار سالاسىنداعى كاسىپورىندار جۇمىسىن باستادى. سونىڭ ىشىندە قۇرىلىس، ونەركاسىپ جانە قىزمەت كورسەتۋ سالالارىنداعى كاسىپورىندار. ەپيدەميولوگيالىق جاعدايدى ەسكەرە وتىرىپ، كارانتيندىك رەجيمگە وزگەرىستەر ەنگىزۋ جانە بىرتىندەپ جەڭىلدەتۋ تۋرالى ءتيىستى شەشىم قابىلداناتىن بولادى. باسقا دا كاسىپورىندار مەن بيزنەس سۋبەكتىلەرىنە جۇمىسىن جالعاستىرۋعا رۇقسات بەرىلەتىن بولادى. مۇنداي جۇمىس ەلىمىزدىڭ باسقا دا وڭىرلەرىندە جۇرگىزىلەدى. دەگەنمەن، بۇل سانيتارلىق-ەپيدەميولوگيالىق قاۋىپسىزدىك قاتاڭ ساقتالعان جاعدايدا عانا مۇمكىن بولادى. ەلجان امانتايۇلى (قر دەنساۋلىق ساقتاۋ ءمينيسترى ەلجان ءبىرتانوۆ - رەد.), ماسەلەنى قاتاڭ باقىلاۋدا ۇستاڭىز», - دەدى پرەمەر-مينيستر ۇكىمەتتىڭ ونلاين وتىرىسىندا.

Abai.kz