كەشە الماتىنىڭ دەنساۋلىق ساقتاۋ باسقارماسىنىڭ باسشىسى اۋىسقان. بۇرىنعى باسشى تىلەۋحان ابىلداەۆ دوعارىسقا (وتستاۆكا) كەتكەن سوڭ، ونىڭ ورنىنا ەكس-ۆيتسە-مينيستر كامالجان نادىروۆ تاعايىندالعان.

كەشە عانا قىزمەت اۋىستىرعان بۇرىنعى ۆيتسە-مينيستردەن كوروناۆيرۋس انىقتالدى. بۇل تۋرالى قر دەنساۋلىق ساقتاۋ ءمينيسترى ەلجان ءبىرتانوۆ الەۋمەتتىك جەلىدەگى رەسمي پاراقشاسىندا جازدى.

«كەشە ۇكىمەت قاۋلىسىمەن كامالجان تالعاتۇلى نادىروۆ باسقا جۇمىسقا اۋىسۋىنا بايلانىستى دەنساۋلىق ساقتاۋ ۆيتسە-ءمينيسترى قىزمەتىنەن بوساتىلدى.

الماتى قالاسىندا كوروناۆيرۋستىق ينفەكتسيا كەڭىنەن تاراپ، جاعداي قيىنداعان سوڭ قوعامدىق دەنساۋلىق ساقتاۋ باسقارماسىنىڭ قازىرگى باسشىسى تىلەۋحان شىلدەبايۇلى ابىلداەۆ وتستاۆكاعا كەتۋ تۋرالى ءوتىنىش بىلدىرگەن بولاتىن. قالاداعى كوماندانى كۇشەيتۋ ماقساتىندا باسقارما باسشىسى لاۋازىمىنا ك.ت. نادىروۆتى تاعايىنداۋ جوسپارلانعان ەدى.

سونىمەن كەشە عانا تاعايىندالعان ۆيتسە-مينيستر ءوز جۇمىسىنا كىرىسىپ ۇلگەرمەگەن. ءسويتىپ،ءوز ەركىمەن دوعارىسقا كەتۋ تۋرالى ءوتىنىش جازعان ابىلداەۆ ازىرشە قىزمەتىندە قالاتىن بولدى.

ال كوروناۆيرۋس انىقتالعان ۆيتسە-مينيستر وتكەن اپتادا وڭىرلەرگە ينسپەكتسيالىق تەكسەرىس جاساپ قايتقان ەكەن. اتاپ ايتقاندا، نادىروۆ وتكەن اپتادا قاراعاندى، الماتى، جامبىل وبلىستارىنا جانە الماتى قالاسىنا بارعان. ول ارالاعان مەديتسينالىق مەكەمەلەردىڭ بارلىعى كارانتيندىك نىساندار بولعان.

Abai.kz