كيم چەن ىن وپەراتسيادان كەيىن ءولىم اۋزىندا جاتىر دەپ حابارلايدى اقش باسىلىمدارى. ول 11 ساۋىردەن باستاپ حالىق الدىنا شىقپاعان ەكەن. ءتىپتى اتاسى كيم ير سەننىڭ تۋعان كۇنىن تويلاۋ مەرەكەسىندە دە كورىنبەگەن.

ول ولسە دە سولتۇستىك كورەيانىڭ بيلەۋ جۇيەسى سولاي قالا بەرەدى دەپ ويلايمىن. كيم اۋلەتىنەن باسقا بىرەۋ وتىرۋى مۇمكىن. بىراق سول توتاليتارلىق جۇيەدە وتىرا بەرەدى. بۇل باسقارۋ ول اۋلەتكە جانە اۋلەتكە جاقىن اسكەريلەرگە وتە ءتيىمدى. شەكسىز بيلىك پەن ۇشان-تەڭىز تاۋسىلماس بايلىق بار قولدارىندا.

كيم ولگەن سوڭ، رەجيم اۆتوماتتى تۇردە دەموكراتيالىق بولادى دەۋ قاتە. ويتكەنى قىلمىستى تەك كيم جاساعان جوق. ونى گەنەرالدار، قولباسشىلار، مينيسترلەر جانە ت.ب لاۋازىمدى تۇلعالار بىرلەسە جاسادى. كونتسلاگەرلەر سالدى، جازىقسىز سوتتار مەن ءولىم جازالارى كەسىلدى. رەجيم بىردەن دەموكراتيالىق بولىپ كەتسە، سول قىلمىستارى ءۇشىن جاڭاعىلار جاۋاپ بەرۋى ءتيىس. ارينە ولار ونى قالامايدى. سوندىقتان 70 جىل تۇرعان بۇل باسقارۋ مودەلىن ساقتاپ قالۋعا تىرىسادى.

پىسى: ءبىر اپتادان كەيىن ول قايتىپ كەلۋى دە مۇمكىن

اسحات قاسەنعاليدىڭ الەۋمەتتىك جەلىدەگى جازباسى

Abai.kz