ونىڭ ايتۋىنشا، پرەزيدەنت ۇسىنعان قىزمەتتى ول ۋكراينا پرەمەر-ءمينيسترى دەنيس شمىگالمەن تالقىلاعان. سااكاشۆيلي بۇل ۇسىنىستى "ۇلكەن قۇرمەت" دەپ اتاپ، سايلاۋ كەزىندە ۆلاديمير زەلەنسكيدى قولداعانىن اتاپ كورسەتتى.

سااكاشۆيليدىڭ ۇكىمەتكە شاقىرىلعانىن "نوۆايا گازەتا" باسىلىمى "سلۋگا نارودۋ" پارتياسىنداعى دەرەككوزگە سىلتەمە جاساپ حابارلاعان. فراكتسيا باسشىسىنىڭ ورىنباسارى ەۆگەنيا كراۆچۋك اقپاراتتى راستادى. ونىڭ ايتۋىنشا، سااكاشۆيلي جۇما كۇنى دەپۋتاتتارمەن كەزدەسىپ، باعدارلاماسىن ۇسىنادى.

2015 جىلى مامىردا ۋكراينانىڭ سول كەزدەگى پرەزيدەنتى پيوتر پوروشەنكو سااكاشۆيليدى ودەسسا وبلىسىنىڭ گۋبەرناتورى قىزمەتىنە تاعايىنداعان، ۋكراين ازاماتتىعىن بەرگەن. بىراق 2017 جىلى ول بۇل شەشىمدەرىنەن باس تارتتى.

سول جىلى قىركۇيەكتە سااكاشۆيلي كومەكشىلەرىنىڭ كومەگىمەن ۋكرايناعا كەلىپ، پوروشەنكونىڭ قىزمەتتەن كەتۋىن تالاپ ەتكەن. وعان ەل اۋماعىنا كىرۋگە تىيىم سالعان. 2019 جىلى مامىردا ۆلاديمير زەلەنسكي وعان ازاماتتىقتى قايتارىپ بەردى.

سااكاشۆيليدىڭ جاڭا قىزمەتىن جوعارعى رادا ماقۇلداۋى ءتيىس. رادا بۇل ماسەلەنى 24 ساۋىردە داۋىسقا سالادى.

Abai.kz