جەتىسۋلىق مەديتسينا قىزمەتكەرلەرىنە قۇنى 100 ميلليون تەڭگەدەن اساتىن قورعانىش امۋنيتسياسى قايتارىمسىز بەرىلدى. 

وتاندىق «Universal Energy (Qazaqstan)» كومپانياسى جانە كاسىپكەرلەر
اسقار الشىنباەۆ، ەۆگەني فەلد، نۇرجان بەكشەنوۆ، ەسەنعالي بايمەنوۆ
جانە رايىمبەك باتالوۆ ىندەتپەن كۇرەستىڭ الدىڭعى ساپىندا جۇرگەن
الماتى وبلىسىنداعى مەديتسينالىق جانە باسقا دا ۇيىمدارعا گۋمانيتارلىق
كومەك بەردى.

مەديتسينا قىزمەتكەرلەرىنە بەرىلگەن قورعانىش امۋنيتسياسىنىڭ قۇنى
100 ميلليون تەڭگەدەن اسادى. كوپ رەت پايدالاناتىن Dupont كوستيۋمدەرى،
ينفراقىزىل تەرمومەترلەر، ماسكالار، رەسپيراتورلار، قورعانىس كوزىلدىرىكتەرى

قحر-دان ساتىپ الىنىپ، قازاقستانعا ارنايى رەيسپەن اكەلىنگەن. بارلىق
مەديتسينالىق بۇيىمدار مەن امۋنيتسيا قىتايلىق جانە ەۋروپالىق
كاسىپورىنداردا وندىرىلگەن، ەۋروپالىق ساپا سەرتيفيكاتتارىنا يە.
«اسىرەسە، قر سىرتقى ىستەر مينيسترلىگىنە، ەلىمىزدىڭ قىتايداعى جانە
قىتايداعى قازاقستاننىڭ ەلشىلىكتەرىنە ىندەت كەزىندەگى لوگيستيكالىق
قيىندىق جاعدايىندا بىزگە قۇرالداردى جەتكىزۋگە كومەك كورسەتكەندەرى ءۇشىن
العىسىمىز زور. بۇل زاماناۋي جەكە قورعانۋ قۇرالدارى ءبىزدىڭ مەديتسينا
ماماندارىنا كوروناۆيرۋسپەن كۇرەستە ۇلكەن كومەك بولادى دەپ سەنەمىز»، -
دەپ اتاپ ءوتتى قايىرمدىلىق اكتسياسىنىڭ باستاماشىلارى.

ارىپتەستىك جاردەمدى الماتى وبلىسىنىڭ اكىمدىگى اتىنان سەرىك
تۇرداليەۆ قابىلداپ الدى. ءوڭىر باسشىسى اماندىق باتالوۆتىڭ اتىنان
قامقورلىقتارىنا زور ىقىلاس ءبىلدىرىپ، قولداۋلارىنا العىسىن جەتكىزدى.
ايتا كەتۋ كەرەك، «Universal Energy (Qazaqstan)» كومپانياسى
جاڭارتىلعان ەنەرگيالىق نىسانداردىڭ قۇرىلىسىمەن جانە ونى ىسكە قوسۋمەن
اينالىسادى. ءوڭىر اۋماعىندا اتالمىش كومپانيانىڭ «قاپشاعاي 100 مۆت»
كۇن ەلەكتر ستانساسى جۇمىس ىستەيدى. وعان قوسا ىلە، سارقان اۋداندارىندا تاعى ەكى ستانسانىڭ قۇرىلىسى ءجۇرىپ جاتىر.

ايمان اسىل

Abai.kz