"دەرت جۇقتىرۋ قاۋپى جوعارى توپ، ءبىر ايداعى جۇمىس ۋاقىتى اسىرا كورسەتىلگەن. ۇستەماقى پاراكلينيكالىق ءبولىم ماماندارىنا تولەنبەگەن، اقپاراتتىق جۇيەدە جوق ادامدار العان", - دەپ مالىمدەدى جۇماعۇلوۆ. ونىڭ ايتۋىنشا، كەيبىر قىزمەتكەرلەرگە ۇستەماقى ارتىعىمەن تولەنگەن.

جۇماعۇلوۆ ۇستەماقى الۋى ءتيىس دارىگەرلەرگە مىندەتتى تۇردە تولەنەتىنىنە ۋادە بەردى. دەنساۋلىق ساقتاۋ سالاسىنىڭ 26 مىڭ قىزمەتكەرى ۇستەماقى الادى. بۇعان بيۋدجەتتەن 35,7 ميلليارد تەڭگە (شامامەن 82 ميلليون دوللار) بولىنگەن.

جۇماعۇلوۆتىڭ ايتۋىنشا، 17 425 مەديتسينا قىزمەتكەرى ناۋرىز ايىنا تيەسىلى ۇستەماقى الدى. وعان 7,8 ميلليون دوللار جۇمسالدى.

قازاقستاندا كوروناۆيرۋس جۇقتىرعانداردى ەمدەيتىن دارىگەرلەرگە 1967-490 دوللار ارالىعىندا ۇستەماقى تاعايىندالدى. ۇستەماقى كولەمى دارىگەر جۇمىسىنىڭ اۋىرلىعىنا قاراي انىقتالادى.

رەسپۋبليكانىڭ بىرنەشە قالاسى مەن ايماعىندا مەديتسينا قىزمەتكەرلەرى ۋادە ەتىلگەن ۇستەماقى الماعانىن ايتقان. ​بيلىك دارىگەرلەرگە سىياقى رەتىندە بيۋدجەتتەن 35 ميلليارد تەڭگە بولۋگە ۋادە بەردى. رەسمي مالىمەت بويىنشا، قازاقستاندا 2289 ادام كوروناۆيرۋس جۇقتىرعان، ولاردىڭ كەم دەگەندە 652-ءى - مەديتسينا قىزمەتكەرى.

Abai.kz