بۇنىڭ الدىندا اقش پرەزيدەنتى دونالد ترامپ پارسى شىعاناعىندا اقش كەمەلەرىنە كەدەرگى كەلدىرگەن يران كەمەلەرىن اتقىلاۋ تۋرالى جارلىق بەرگەن. يران اسكەري كاتەرلەرىنىڭ اقش ەسمينەتسىنە جاقىن كەلگەنى جونىندە 15 ساۋىردە حابارلانعان ەدى.
ترامپ مالىمدەمەسىنەن سوڭ يران اقش-تىڭ تەگەرانداعى مۇددەسىن قورعاۋشى شۆەيتساريا ەلشىسىن شاقىرتتى. وعان اق ۇيگە ارنالعان نارازىلىق نوتاسى تاپسىرىلدى. يران بيلىگى ۆاشينگتوندى تەڭىز قاۋىپسىزدىگى مەن كەمەلەردىڭ ەركىن قوزعالۋ ءتارتىبىن ساقتاۋعا شاقىردى.
بيىل قاڭتار ايىندا اقش يران گەنەرالى كاسسەم سۇلەيمانيدى ولتىرگەن سوڭ ۆاشينگتون مەن تەگەران اراسىنداعى داۋ شيەلەنىسە ءتۇستى. اقش-تىڭ اسكەري وپەراتسياسىنا كۇشپەن جاۋاپ بەرگەن يران يراكتاعى امەريكالىق بازانى اتقىلادى. شابۋىلدان اقش-تىڭ ونداعان جاۋىنگەرى زارداپ شەكتى.
Abai.kz
