قىتايلىق دارىگەرلەر قازاقستانداعى وزدەرىنىڭ جۇمىستارىن اياقتاپ، ۇيلەرىنە ورالدى. مەديتسينا قىزمەتكەرلەرى توبىنىڭ قىتايعا قايتۋىن قازاقستان اسكەري اۋە كۇشتەرى اسكەري-ترانسپورتتىق اۆياتسيا كۇشىمەن جۇزەگە اسىرىلدى.

10 قىتايلىق دارىگەرلەردەن قۇرالعان توپتىڭ  9 ساۋىردەن باستالعان ەلىمىزگە كەلۋى 15 كۇنگە سوزىلدى. وسى ۋاقىت ىشىندە اسپاناستى ەلىنىڭ ماماندارى  مەديتسينالىق مەكەمەلەرگە بارىپ، سەمينارلار، ترەنينگتەر مەن كونفەرەنتسيالار اياسىندا قازاقستاندىق ارىپتەستەرىمەن كوروناۆيرۋستىق ينفەكتسيانى الدىن-الۋ مەن COVID-19-بەن اۋىراتىن ناۋقاستاردى ەمدەۋ، ينفەكتسيانى جۇقتىرعان ادامداردى انىقتاۋ الگوريتمى مەن ولاردى وقشاۋلاۋ، ەپيدەميولوگيالىق زەرتتەۋلەر ادىستەرى، مەديتسينالىق پەرسونالدىڭ دياگنوستيكادان ءوتۋى مەن ولاردىڭ ينفەكتسيانى جۇقتىرۋلارىن بولدىرماۋ تۋرالى تاجىريبەلەرىمەن بولىسكەن بولاتىن. 

اتالعان شارالاردا اسكەري دارىگەرلەر دە قاتىسقان بولاتىن. قازىرگى تاڭدا اسكەري مەديتسينالىق پەرسونال كوروناۆيرۋسپەن اۋىراتىن ناۋقاستاردى ەمدەۋ جانە قاۋىپتى ينفەكتسيامەن كۇرەستەگى قاجەتتى كومەك كورسەتۋمەن اينالىسۋدا.

Abai.kz