250 مىڭ توننا كاپۋستا وڭتۇستىكتە ءپىسىپ تۇر. ديقان قازىر كوكونىستىڭ كەلىسىن 10 تەڭگەگە وتكىزە الماي وتىر دەسەدى. مەن 2-3 اپتا بۇرىن جاڭا پىسكەن قىرىققاباتتىڭ الاقانداي بىرەۋىن 500 تەڭگەگە ساتىپ الدىم.

ءبىر عانا وڭتۇستىك ءوڭىردىڭ كۇللى قازاقستاندى جەمىس-جيدەك، كوكونىسپەن قامتۋعا شاماسى بار. جەرى قۇنارلى، اۋا-رايى قولايلى، حالقى ەڭبەكقور.

مەملەكەتتەن ۇنەمى قايىر سۇراۋعا ارلانبايتىن فوربس-تىڭ وليگارحتارىنا اقشا ۇلەستىرگەنشە دەيمىن دە، ينۆەستيتسيانى وڭتۇستىكتىڭ اۋىلشارۋاشىلىق سالاسىنا قۇيساشى. "2 ەمەس 5 قوياندى ءبىر وقپەن اتۋعا" بولۋشى ەدى. ەكى قولعا ءبىر كۇرەك ىزدەپ" ءار وڭىردە سابىلىپ جۇرەتىن وڭتۇستىكتەگى اعايىن جۇمىسپەن قامتىلادى - ءبىر، بيۋدجەتتەن الەۋمەتتىك جاردەماقى الۋشىلار سانى ازايادى - ەكى (رەسپۋبليكا بويىنشا ەڭ كوپ پوسوبيە الاتىن ايماق وسى وڭتۇستىك), قىتايدان تاسىمالداناتىن ساپاسى كۇماندى كوكىنىس رىنوكتان وزدىگىنەن جوعالادى - ءۇش، وتاندىق ونىممەن ىشكى سۇرانىستى وتەۋگە مۇمكىندىك جولى اشىلادى - ءتورت، ايماقتىڭ الەۋمەتتىك-ەكونوميكالىق احۋالى جاقسارادى - 5.

ۇكىمەتتە وڭتۇستىك ايماقتىق اگروكەشەنىن دامىتۋعا ارنالعان "رازۆەرنۋتىي" مىقتى باعدارلاما قابىلدانسا، ونىڭ ىسكە اسىرىلۋىن تياناقتى قاداعالاسا جانە جاقسىلاپ اقشا قۇيىلسا بولدى ەمەس پە؟!

بيلىكتە قونجيىپ العان بيۋدجەتتىك بيزنەسمەندەر مەن ەكونوميكالىق سەكتورعا جاۋاپتى وڭشەڭ "كابينەتنىي" شەلپەكبايلار قاشان ورىندارىن بوساتار ەكەن؟

القاپتاردا ديقاندارمەن قوسا جانىپ-كۇيىپ جۇرەتىن ناعىز ىسكەر مەنەدجەرلەر "كوبىك اۋىز" ۇكىمەتتىڭ كولەڭكەسىندە وسىلاي قالىپ كەتە بەرەر مە ەكەن، ءا؟!

دينا ەلگەزەكتىڭ الەۋمەتتىك جەلىدەگى جازباسى

Abai.kz