توتەنشە جاعداي تۋرالى زاڭدى 14 باعىت بويىنشا تولىقتىرۋ جوسپارلانعان. بۇل تۋرالى ۇلتتىق ەكونوميكا ءمينيسترى رۋسلان دالەنوۆ مالىمدەدى. 

ءماجىلىس توتەنشە جاعداي ماسەلەلەرى بويىنشا  كەيبىر زاڭنامالىق اكتىلەرگە وزگەرىستەر ەنگىزۋ تۋرالى زاڭ جوباسىن ماقۇلدادى.

«زاڭ جوباسى 14 سالانى قامتيدى:بانك، سالىق، بيۋدجەت، كەدەن، مەملەكەتتىك ساتىپ الۋلار جانە باسقالارى. توتەنشە جاعداي كەزىندە بۇل سالالارعا رەتتەۋ فۋنكتسيالارىن ورناتۋعا بولادى.

بۇل ەكونوميكاعا بارىنشا اسەر ەتەتىن سالالار، سوندىقتان جەدەل شارالار قابىلداۋ قاجەت، ونىڭ ىشىندە سالىقتىق جەڭىلدىكتەر، مەملەكەتتىك ساتىپ الۋدى جەدەلدەتۋ، الەۋمەتتىك قامسىزداندىرۋ، ۆاليۋتالىق رەتتەۋ جانە باسقا دا بىرقاتار ماسەلەلەر »، - دەدى دالەنوۆ ءماجىلىس وتىرىسىندا.

سونداي-اق، ول اتالمىش زاڭ جوباسى مەرزىمى اياقتالعان جەكە كۋالىكتەرى مەن جۇرگىزۋشى كۋالىكتەرىنىڭ توتەنشە جاعداي كەزىندە جارامدى بولۋىنا مۇمكىندىك بەرەتىنىن ايتتى. ءماجىلىس دەپۋتاتى شافحات وتەمىسوۆتىڭ ايتۋىنشا، بۇگىندە قازاقستاندا جارامدىلىق مەرزىمى وتكەن جەكە كۋالىكپەن 99,5 مىڭ ازامات تىركەلگەن، 68 مىڭ ادامنىڭ جۇرگىزۋشى كۋالىكتەرىنىڭ مەرزىمى وتكەن.

«توتەنشە جاعداي تۋرالى» زاڭ توتەنشە جاعداي كەزىندەگى زاڭنامانىڭ كەيبىر سالالارىنىڭ ارەكەت ەتۋ ەرەكشەلىكتەرىمەن تولىقتىرىلعان. زاڭ جوباسىنا 14 باعىت كىرەدى: سالىق، بيۋدجەت، كەدەن، بانك، ەڭبەك، مونوپولياعا قارسى زاڭناما; دەنساۋلىق ساقتاۋ، مەملەكەتتىك ساتىپ الۋ، ۆاليۋتالىق رەتتەۋ تۋرالى زاڭدار; الەۋمەتتىك قورعاۋ، مەملەكەتتىك مەنشىك، مەملەكەتتىك باقىلاۋ جانە قاداعالاۋ سالاسىندا; سونداي-اق ەلدىڭ حالىقارالىق مىندەتتەمەلەرىن ورىنداۋ تۋرالى»، - دەدى ۇلتتىق ەكونوميكا ءمينيسترى.

دالەنوۆتىڭ ايتۋىنشا، توتەنشە جاعداي كەزىندە قابىلدانعان نورماتيۆتىك قۇقىقتىق اكتىلەر، تج  مەرزىمى اياقتالعانعا دەيىن قولدانىلادى. ەرەكشە جاعداي ءار ءتۇرلى مەرزىمگە بەلگىلەنەتىن اكتىلەردەن تۇرادى. سونىمەن قاتار، زاڭ جوباسىنىڭ عىلىمي-ەكونوميكالىق ساراپتاماسىنىڭ قورتىندىسىندا: «زاڭ جوباسىن ىسكە اسىرۋ پرەزيدەنتتىڭ توتەنشە جاعداي كەزىندەگى قوعامدىق قاتىناستارعا جەدەل ارالاسۋىن قامتاماسىز ەتەدى، بۇل تۇراقتىلىقتى ساقتاۋعا جانە ۇلتتىق، ونىڭ ىشىندە مەملەكەتتىڭ ەكونوميكالىق قاۋىپسىزدىگىن قامتاماسىز ەتۋگە باعىتتالعان شۇعىل شارالاردى تالاپ ەتەدى»، - دەلىنگەن.

ىشكى ىستەر ءمينيسترىنىڭ ورىنباسارى يۋري ءيليننىڭ ايتۋىنشا، بۇگىنگى تاڭدا توتەنشە جاعداي رەجيمىن بۇزعانى ءۇشىن 1,5 مىڭنان استام ادام تەرگەۋ يزولياتورلارىنا قامالىپ، 5 مىڭنان استام ادام ايىپپۇل تۇرىندە اكىمشىلىك جازا العان.

Abai.kz