شىلدەنىڭ شىلىڭگىر ىستىق كۇندەرىنىڭ ءبىرى ەدى. الماتىدا، د.قوناەۆ پەن جىبەك جولى كوشەلەرىنىڭ قيىلىسىندا دەپۋتات پەن سايلاۋشى كەزىگىپ قالادى. دەپۋتات - تانيربەرگەن بەرديونگاروۆ، سايلاۋشى (ەلەكتورات) - رافاەل بالعين. الگى جەردە كۇندە كەزدەسە بەرمەيتىن، ىزدەسەڭ تاپتىرمايتىن، كەز كەلگەن ادامعا كورىنە بەرمەيتىن (بەرديونگاروۆتىڭ بەتىن كورگەن ادام باقىتتى بولادى-مىس دەگەن اڭىز دا بار كورىنەدى) دەپۋتات پەن سايلاۋشى كوپ سوزگە كەلمەگەن. سايلاۋشى جيىرما جىل بەدەرىندە  بويىن كەرنەپ كەلگەن قوعامدىق-ساياسي اشۋ-ىزاسىن تۇكىرىككە «ءتۇيىپ»، اۋەلەتىپ كەپ جىبەرەدى. «تۇكەڭ» اۋەلەپ بارىپ، بەرديونگاروۆتىڭ بەتىنە تۇلكىگە تۇسكەن بۇركىتتەي قونا كەتەدى. وسىمەن، بۇلقان-تالقان بولىپ دەپۋتات، قايناعان كەكتىڭ باسىن قايتارىپ سايلاۋشى - ەكەۋى جونىنە كەتە بارادى.

بۇل وقيعا تاريحتاعى 2011 جىلدىڭ 7-ءنشى شىلدەسى كۇنى بولعان.

ءبىزدىڭ دەموكراتيالىق ەلدە ءسوز بوستاندىعى مەن اقپارات الۋ ەركىندىگى زاڭمەن بەكىتىلسە دە جۋرناليستەر جوعارى جاقتىڭ جاڭالىعىنان قاشان دا جۇتاپ جۇرەدى عوي. تاۋبە، وعان دا جيىرما بولدى. مىنە، سول جۇتاعان جۋرناليستەر سايلاۋشى مەن سايلانۋشىنىڭ اراسىنداعى كوبىكتى سۋدىڭ حيكاياسىن جۇرتقا جايدى.

ءسويتىپ، جۇرگەندە جازى ءوتىپ، كۇز كەلدى.

جۋىقتا دەپۋتات سايلاۋشىنى سوتقا بەرىپتى. سوت: «دەپۋتاتتىق قىزمەت بارىسىندا دەپۋتاتتىڭ ار-نامىسىنا ءتيدى» دەپ، سايلاۋشىعا ايىپتاۋ ۇكىمىن شىعارىپتى. الدا سوت ءىسى كۇتىپ تۇر.

شىلدەنىڭ شىلىڭگىر ىستىق كۇندەرىنىڭ ءبىرى ەدى. الماتىدا، د.قوناەۆ پەن جىبەك جولى كوشەلەرىنىڭ قيىلىسىندا دەپۋتات پەن سايلاۋشى كەزىگىپ قالادى. دەپۋتات - تانيربەرگەن بەرديونگاروۆ، سايلاۋشى (ەلەكتورات) - رافاەل بالعين. الگى جەردە كۇندە كەزدەسە بەرمەيتىن، ىزدەسەڭ تاپتىرمايتىن، كەز كەلگەن ادامعا كورىنە بەرمەيتىن (بەرديونگاروۆتىڭ بەتىن كورگەن ادام باقىتتى بولادى-مىس دەگەن اڭىز دا بار كورىنەدى) دەپۋتات پەن سايلاۋشى كوپ سوزگە كەلمەگەن. سايلاۋشى جيىرما جىل بەدەرىندە  بويىن كەرنەپ كەلگەن قوعامدىق-ساياسي اشۋ-ىزاسىن تۇكىرىككە «ءتۇيىپ»، اۋەلەتىپ كەپ جىبەرەدى. «تۇكەڭ» اۋەلەپ بارىپ، بەرديونگاروۆتىڭ بەتىنە تۇلكىگە تۇسكەن بۇركىتتەي قونا كەتەدى. وسىمەن، بۇلقان-تالقان بولىپ دەپۋتات، قايناعان كەكتىڭ باسىن قايتارىپ سايلاۋشى - ەكەۋى جونىنە كەتە بارادى.

بۇل وقيعا تاريحتاعى 2011 جىلدىڭ 7-ءنشى شىلدەسى كۇنى بولعان.

ءبىزدىڭ دەموكراتيالىق ەلدە ءسوز بوستاندىعى مەن اقپارات الۋ ەركىندىگى زاڭمەن بەكىتىلسە دە جۋرناليستەر جوعارى جاقتىڭ جاڭالىعىنان قاشان دا جۇتاپ جۇرەدى عوي. تاۋبە، وعان دا جيىرما بولدى. مىنە، سول جۇتاعان جۋرناليستەر سايلاۋشى مەن سايلانۋشىنىڭ اراسىنداعى كوبىكتى سۋدىڭ حيكاياسىن جۇرتقا جايدى.

ءسويتىپ، جۇرگەندە جازى ءوتىپ، كۇز كەلدى.

جۋىقتا دەپۋتات سايلاۋشىنى سوتقا بەرىپتى. سوت: «دەپۋتاتتىق قىزمەت بارىسىندا دەپۋتاتتىڭ ار-نامىسىنا ءتيدى» دەپ، سايلاۋشىعا ايىپتاۋ ۇكىمىن شىعارىپتى. الدا سوت ءىسى كۇتىپ تۇر.

ايتپاقشى، سايلاۋشى بالعينمەن سويلەستىك. ول سوتتىڭ ايىپتاۋ ۇكىمىمەن كەلىسپەيتىنىن  ايتتى.

شىلدەنىڭ بىرىنەن باستاپ پارلامەنت جازعى دەمالىسقا كەتكەن كەزدە دەمالىستاعى دەپۋتات جىبەك جولى مەن قوناەۆ كوشەلەرىنىڭ قيىلىسىندا قانداي  قىزمەت بابىمەن جۇرگەنىنە قاتارداعى سايلاۋشى ءبىزدىڭ باسىمىز جەتپەي قويدى. سويتسەك، بالعين: «بەرديونگاروۆ سول كەزدە دەپۋتاتتىق قىزمەتپەن جۇرگەنى تۋرالى انىقتاما الىپ ۇلگەرىپتى» دەيدى.

باسە، ويتپەسە، بەرديونگاروۆ دەپۋتات بولا ما؟ دەمالىستاعى دەپۋتاتىنا قىزمەتتە ءجۇر دەپ انىقتاما جازىپ بەرمەسە، ءماجىلىس زاڭ شىعاراتىن، حالىقتىڭ قامىن ويلاپ قابىرعاسى قايىسقان ورىن بولا ما.

قازىر كۇز. كۇن سالقىن. كەدەندىك وداقتىڭ كەسىرىنەن دۇنيە قىمبات. اشقۇرساق ادام كوپ. قارنى تويماعان ادامنىڭ تۇكىرىگى كوپ بولادى دەيدى بىلەتىندەر. بۇل بەرديونگاروۆتىڭ باعى ما، سورى ما كىم ءبىلسىن...

«اباي-اقپارات»