مۇنايلى استانانىڭ «مگۋ»-ءىن پالەكەت ءبىر اينالدىرعانىمەن قويماي، شىر اينالدىرىپ تۇر. ەل قۇلاعىن ەلەڭدەتكەن جاڭالىقتىڭ سوڭعىسى - ح.دوسمۇحامەدۇلى اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى وسىدان ءبىراز بۇرىن پارامەن ۇستالدى.

كەشە جەرگىلىكتى قارجى پوليتسياسى باستىعىنىڭ ورىنباسارى مۇرات ەرمەكقاليەۆ وسى اتىشۋلى ىسكە قاتىستى قوسىمشا تۇسىنىك بەردى. ايتۋىنشا، پارا الدى دەپ ايىپتالعان كيىكباي ءجاۋليننىڭ قىلمىستىق ءىسىنىڭ تەرگەۋى اياقتالىپ كەلەدى. ول وسى قازان ايىنىڭ سوڭىنا دەيىن سوتتىڭ قاراۋىنا ۇسىنىلادى ەكەن.

- ءبىز قازىر ساراپتامانىڭ قورىتىندىسىن كۇتىپ وتىرمىز. ونى العاننان سوڭ وبلىستىق پروكۋراتۋرا ارقىلى سوتقا جولداماقپىز، - دەدى قارجى پوليتسياسىنىڭ وكىلى.

ك.جاۋلين - وبلىس كولەمىندە تالاي باسشىلىق قىزمەتتەردە شىڭدالعان بىلىكتى كادر. الايدا، جوعارى وقۋ ورنى باسشىسىنىڭ كرەسلوسى وعان قۇتتى بولمادى. ورىنتاعىنا جۋىردا وتىرعان جاۋلين ودان كوزدى اشىپ-جۇمعانشا اۋىپ ءتۇستى. جاڭا رەكتورعا تاعىلعان ايىپ - جەرگىلىكتى جشس-ءى ديرەكتورىنىڭ بىرىنەن قوماقتى سىيلىق، انىعىندا، جالپى قۇنى 600 مىڭ تەڭگەنىڭ بىرنەشە نوۋتبۋگىن العان. ال، ونىڭ ادۆوكاتى بۇگىندە وزگەشە پىكىر ايتۋدا. قالاي دەگەندە دە بۇل ءىستىڭ جايى، ماسەلەنىڭ ءمانىسى تەرگەۋ جۇمىسى اياقتالعاننان سوڭ انىقتالادى.

مۇنايلى استانانىڭ «مگۋ»-ءىن پالەكەت ءبىر اينالدىرعانىمەن قويماي، شىر اينالدىرىپ تۇر. ەل قۇلاعىن ەلەڭدەتكەن جاڭالىقتىڭ سوڭعىسى - ح.دوسمۇحامەدۇلى اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى وسىدان ءبىراز بۇرىن پارامەن ۇستالدى.

كەشە جەرگىلىكتى قارجى پوليتسياسى باستىعىنىڭ ورىنباسارى مۇرات ەرمەكقاليەۆ وسى اتىشۋلى ىسكە قاتىستى قوسىمشا تۇسىنىك بەردى. ايتۋىنشا، پارا الدى دەپ ايىپتالعان كيىكباي ءجاۋليننىڭ قىلمىستىق ءىسىنىڭ تەرگەۋى اياقتالىپ كەلەدى. ول وسى قازان ايىنىڭ سوڭىنا دەيىن سوتتىڭ قاراۋىنا ۇسىنىلادى ەكەن.

- ءبىز قازىر ساراپتامانىڭ قورىتىندىسىن كۇتىپ وتىرمىز. ونى العاننان سوڭ وبلىستىق پروكۋراتۋرا ارقىلى سوتقا جولداماقپىز، - دەدى قارجى پوليتسياسىنىڭ وكىلى.

ك.جاۋلين - وبلىس كولەمىندە تالاي باسشىلىق قىزمەتتەردە شىڭدالعان بىلىكتى كادر. الايدا، جوعارى وقۋ ورنى باسشىسىنىڭ كرەسلوسى وعان قۇتتى بولمادى. ورىنتاعىنا جۋىردا وتىرعان جاۋلين ودان كوزدى اشىپ-جۇمعانشا اۋىپ ءتۇستى. جاڭا رەكتورعا تاعىلعان ايىپ - جەرگىلىكتى جشس-ءى ديرەكتورىنىڭ بىرىنەن قوماقتى سىيلىق، انىعىندا، جالپى قۇنى 600 مىڭ تەڭگەنىڭ بىرنەشە نوۋتبۋگىن العان. ال، ونىڭ ادۆوكاتى بۇگىندە وزگەشە پىكىر ايتۋدا. قالاي دەگەندە دە بۇل ءىستىڭ جايى، ماسەلەنىڭ ءمانىسى تەرگەۋ جۇمىسى اياقتالعاننان سوڭ انىقتالادى.

دەگەندەي-اق، اتىراۋ ۋنيۆەرسيتەتىن شىنىمەنەن قىرسىق شالعان سەكىلدى. الدىڭعى رەكتور قىزمەتىنەن اياق استىنان بوساپ قالعان. ودان كەيىنگىسى، استاناداعى اتتەستاتسيادان ءسۇرىندى. ەندى مىنە، تاعى دا يتىرقىلجىڭ اڭگىمە.

...ايتپاقشى، رەكتور ك.ءجاۋليننىڭ جاقىن تۋىسى ب.ءجاۋليننىڭ دە داۋ-شارى باسىلماي جاتىر. اتىراۋ قالاسىنداعى №30 مەكتەپ گيمنازياسىنا باسشىلىق ەتكەن ول 45 مىڭ تەڭگە پارا العان ەكەن. سول ءۇشىن جانە ءىستى بولدى. كەشە قارجى پوليتسياسى باستىعىنىڭ ورىنباسارى ەكس-ديرەكتور 2 جىلعا شارتتى تۇردە سوتتالعانىن باياندادى.

اتىراۋ وبلىسى

«اباي-اقپارات»