استانا. 27 قازان. قازتاگ - ەلەنا پرەوبراجەنسكايا. قازاقستاندا جىل سايىن 4,5 ملن توننا ءسۇت «قۇمعا سىڭگەن سۋداي بولادى»، - دەپ قازاقستاننىڭ ءسۇت وداعىنىڭ اتقارۋشى ديرەكتورى ۆلاديمير كوجەۆنيكوۆ ءمالىم ەتتى.

«قازاقستاندا، ەگەر جەكە شارۋاشىلىقتاردى قوسا ەسەپتەسەك، 5,5 ملن تونناداي ءسۇت وندىرىلەدى، ال ءبىزدىڭ وڭدەيتىنىمىز - 1,5 ملن توننا. ياعني، 4,5 ملن توننا ءسۇت «ءىز-ءتۇزسىز جوق بولادى»، - دەدى ول جۋرناليستەرگە بەيسەنبى كۇنى.

«مەنىڭشە، مۇنىڭ ءبىر بولىگىن ستاتيستيكانىڭ احاۋلارى دەۋگە بولار»، - دەيدى ۆ. كوجەۆنيكوۆ.

ول سونداي-اق، وتاندىق ءسۇت ءونىدىرىسىنىڭ جەكەلەگەن ءونىم تۇرلەرىنەن يمپورتقا تاۋەلدى ەكەنىنە نازار اۋداردى.

«ءسۇت سالاسىندا ءبىز كوپتەگەن تۇرلەرى بويىنشا يمپورتقا تاۋەلدى بولىپ قالىپ وتىرمىز. ءبىرىنشى كەزەكتە ىرىمشىك پەن ماي بويىنشا. ىرىمشىكتىڭ ءبىز 50%-دان استامىن يمپورتتايمىز، جانە مايدان دا وسىنداي مولشەردە يمپورتتايمىز»، - دەدى ول.

نەگىزگى سەبەبى، ۆ. كوجەۆنيكوۆتىڭ پىكىرىنشە، قازاقستاندا ۇساق شارۋاشىلىقتاردىڭ باسىمدىعىندا جانە سوندىقتان شيكىزات ساپاسىنىڭ تومەندىگىندە. «ءبىز بۇگىندەرى قاسىقتاپ، شەلەكتەپ حالىقتان ءسۇت جينايمىز، ال ونىڭ ساپاسىن جاقسى دەپ ايتۋعا اۋىز بارمايدى»، - دەپ نالىندى ول.

استانا. 27 قازان. قازتاگ - ەلەنا پرەوبراجەنسكايا. قازاقستاندا جىل سايىن 4,5 ملن توننا ءسۇت «قۇمعا سىڭگەن سۋداي بولادى»، - دەپ قازاقستاننىڭ ءسۇت وداعىنىڭ اتقارۋشى ديرەكتورى ۆلاديمير كوجەۆنيكوۆ ءمالىم ەتتى.

«قازاقستاندا، ەگەر جەكە شارۋاشىلىقتاردى قوسا ەسەپتەسەك، 5,5 ملن تونناداي ءسۇت وندىرىلەدى، ال ءبىزدىڭ وڭدەيتىنىمىز - 1,5 ملن توننا. ياعني، 4,5 ملن توننا ءسۇت «ءىز-ءتۇزسىز جوق بولادى»، - دەدى ول جۋرناليستەرگە بەيسەنبى كۇنى.

«مەنىڭشە، مۇنىڭ ءبىر بولىگىن ستاتيستيكانىڭ احاۋلارى دەۋگە بولار»، - دەيدى ۆ. كوجەۆنيكوۆ.

ول سونداي-اق، وتاندىق ءسۇت ءونىدىرىسىنىڭ جەكەلەگەن ءونىم تۇرلەرىنەن يمپورتقا تاۋەلدى ەكەنىنە نازار اۋداردى.

«ءسۇت سالاسىندا ءبىز كوپتەگەن تۇرلەرى بويىنشا يمپورتقا تاۋەلدى بولىپ قالىپ وتىرمىز. ءبىرىنشى كەزەكتە ىرىمشىك پەن ماي بويىنشا. ىرىمشىكتىڭ ءبىز 50%-دان استامىن يمپورتتايمىز، جانە مايدان دا وسىنداي مولشەردە يمپورتتايمىز»، - دەدى ول.

نەگىزگى سەبەبى، ۆ. كوجەۆنيكوۆتىڭ پىكىرىنشە، قازاقستاندا ۇساق شارۋاشىلىقتاردىڭ باسىمدىعىندا جانە سوندىقتان شيكىزات ساپاسىنىڭ تومەندىگىندە. «ءبىز بۇگىندەرى قاسىقتاپ، شەلەكتەپ حالىقتان ءسۇت جينايمىز، ال ونىڭ ساپاسىن جاقسى دەپ ايتۋعا اۋىز بارمايدى»، - دەپ نالىندى ول.

ودان باسقا، لوگيستيكاعا كەتەتىن وراسان زور شىعىن ول بيزنەستى ءتيىمسىز ەتەدى. مىسالى، اتقارۋشى ديرەكتوردىڭ ەسەبىنشە، 1 توننا ءسۇتتى 300 كم قاشىقتىقتان جەكە مەنشىك اۋلادان تاسىمالداۋعا كەتەتىن شىعىن ءسۇت باعاسىنان اسىپ كەتەدى ەكەن. «بۇگىندەرى وڭدەۋشىلەر قازاقستاندىقتاردى وزدەرىنىڭ ونىمدەرىمەن قامتاماسىز ەتە الاتىندىعىنا ءشۇبا جوق، سەبەبى ءبىز تاماشا زاۋىتتار سالعانبىز»، - دەپ قورىتىندىلادى ول.