«تەمەكى تۇتىنىنە قارسى قازاقستان» ۇلتتىق كواليتسياسى  (بۇدان ءارى قاراي — كواليتسيا) جانە قوعام قايراتكەرى قايرات قۇدايبەرگەن پارلامەنت ءماجىلىسىنىڭ سپيكەرى نۇرلان نىعماتۋلينگە ۇندەۋ جولدادى.

كواليتسيا ۇندەۋىندە  Nur Otan پارتياسىنىڭ قولداۋىمەن جۇرگىزىلگەن 6 ايلىق ورتاق جۇمىستىڭ ناتيجەسىندە  جۇمىس توبى مۇشەلەرى قازاقستاندا تەمەكى ەپيدەمياسى ءوسىمىن تومەندەتۋگە مۇمكىندىك بەرەتىن كودەكسكە وزگەرىستەر ازىرلەپ، ءبىراۋىزدان ماقۇلداعانى ايتىلعان.

بۇل تولىقتىرۋلار پارلامەنت ءماجىلىسىنىڭ ءبىرىنشى وقىلىمىندا ماقۇلداندى. نۇرلان نىعماتۋليننىڭ ءوزى سنيۋستەرگە تىيىم سالۋدى جانە جاڭا تەمەكى ونىمدەرىن شىلىمعا تولىق تەڭەستىرۋدى قولدايتىنىن ايتتى.

كواليتسيا  مۇشەلەرى جانە قوعام قايراتكەرى قايرات قۇدايبەرگەن نۇرلان نىعماتۋليننەن مىنا ماسەلەنى نازارعا الۋدى سۇرايدى.

«ءبىز تەمەكى ونىمدەرىنىڭ جاڭا تۇرلەرىن رەتتەۋدى السىرەتۋگە باعىتتالعان كوميتەتتىڭ قايتالاناتىن تولىقتىرۋلارىن الىپ تاستاۋدى قاراۋىڭىزدى سۇرايمىز.  ويتكەنى، بۇل قازاقستاندىقتار اراسىندا ۆەيپينگ، جىلىتاتىن تەمەكى، كاليان جانە سنيۋس تۇتىنۋ ەپيدەياسىنىڭ وسىمىنە اكەپ سوقتىرادى. كودەكستىڭ سوڭعى نۇسقاسىن ازىرلەۋدە تەمەكى ءلوببيىنىڭ الدىن الۋ ماقساتىندا ءسىزدىڭ جەكە اتسالىسۋىڭىزدى سۇرايمىز»، — دەلىنگەن حابارلامادا.

Abai.kz