بارشا الەمدى ابىگەرگە سالىپ وتىرعان COVID-19 پاندەمياسى بىرقاتار الەۋمەتتىك-ەكونوميكالىق قيىندىقتار تۋدىرعانى بەلگىلى. وسى تۇرعىدا كوروناۆيرۋس پاندەمياسىمەن كۇرەستە تمد ەلدەرىنىڭ جەتەكشى پارتيالارىنىڭ ىنتىماقتاستىق تۋرالى مالىمدەمەسى پايدا بولدى. اتالعان مالىمدەمەنى  «Nur Otan» پارتياسى دا قولدايدى.

سونىمەن، اتالعان مالىمدەمەگە سايكەس، كورشىلەس مەملەكەتتەردىڭ جەتەكشى پارلامەنتتىك پارتيالارىنىڭ جاۋاپكەرشىلىكتەرىن تۇسىنە وتىرىپ، تومەندەگى شارالاردى قابىلدايدى:

- سوVID-19-دان قازا بولعانداردىڭ تۋعان-تۋىستارى مەن جاقىندارىنا قايعىرىپ كوڭىل ايتۋ، سونداي-اق ءوز دەنساۋلىعىنا جانە ءتىپتى ءومىرىن قاتەرگە تىگە وتىرىپ جاڭا قاۋىپتى جۇقپالى اۋرۋمەن تاۋلىك بويى كۇرەسەتىن بارلىق مەديتسينا قىزمەتكەرلەرى مەن باسقا دا ماماندارعا شىنايى العىس ايتۋ;

- ۇزدىك تاجىريبەلەر مەن ءتيىمدى ادىستەمەلەر نەگىزىندە داعدارىسقا قارسى سيپاتتاعى كەشەندى شارالاردى ازىرلەۋ مەن ىسكە اسىرۋدا حالىقارالىق ءوزارا كومەك كورسەتۋ تاجىريبەسىن قولداۋ جانە تاجىريبە الماسۋ. ول ءۇشىن سونىڭ ىشىندە مەديتسينالىق جابدىقتاردى، قورعانىس قۇرالدارىن جانە دارىلىك پرەپاراتتاردى ۋاقتىلى جەتكىزۋ ماسەلەلەرىن قوسا العاندا، ەپيدەمياعا قارسى كۇرەسكە قاجەتتى حالىقارالىق بايلانىستاردى قۇپتاۋ;

- ادامداردىڭ ءومىرى، دەنساۋلىعى جانە قاۋىپسىزدىگى ءوڭىردىڭ بارلىق جاۋاپتى ساياسي كۇشتەرىنىڭ باستى باسىمدىعى بولىپ تابىلاتىنىن راستاي كەلە، پاندەميامەن كۇرەستە ءبىز وسى ىرگەلى مۇددەلەردى ۇستانامىز;

- تمد ەلدەرىنىڭ حالىقتارىن الەۋمەتتىك جاۋاپكەرشىلىك تانىتۋعا جانە بىرىككەن ۇلتتار ۇيىمى دۇنيەجۇزىلىك دەنساۋلىق ساقتاۋ ۇيىمىنىڭ جانە ءبىزدىڭ ۇلتتىق بيلىكتەرىمىزدىڭ قاۋىپتى ينفەكتسيانىڭ ودان ءارى تارالۋىنىڭ الدىن الۋ جونىندەگى نۇسقاماسىن قاتاڭ ساقتاۋعا، سونداي-اق دارىگەرلىك ۇسىنىمداردى ساقتاۋعا شاقىرۋ;

- كوروناۆيرۋس پاندەمياسى ادامداردىڭ قاۋىپسىزدىگى مەن ءال-اۋقاتىنا قاۋىپ توندىرەتىن وسىنداي داعدارىستى جاعدايلاردىڭ الدىن الۋعا ورتاق كوزقاراستى قالىپتاستىرۋ قاجەتتىگىن كورسەتكەنىن اتاپ ءوتۋ.

- ۇزدىك تاجىريبەلەر مەن ءتيىمدى ادىستەمەلەر نەگىزىندە داعدارىسقا قارسى سيپاتتاعى كەشەندى شارالاردى ازىرلەۋ مەن ىسكە اسىرۋدا حالىقارالىق ءوزارا كومەك كورسەتۋ تاجىريبەسىن قولداۋ جانە تاجىريبە الماسۋ. ول ءۇشىن سونىڭ ىشىندە مەديتسينالىق جابدىقتاردى، قورعانىس قۇرالدارىن جانە دارىلىك پرەپاراتتاردى ۋاقتىلى جەتكىزۋ ماسەلەلەرىن قوسا العاندا، ەپيدەمياعا قارسى كۇرەسكە قاجەتتى حالىقارالىق بايلانىستاردى قۇپتاۋ;

- تمد فورماتىندا عىلىم جانە دەنساۋلىق ساقتاۋ سالاسىنداعى ىنتىماقتاستىقتى كۇشەيتۋ;

سونىمەن قاتار، تمد ەلدەرىنىڭ جاۋاپتى ساياسي پارتيالارى پاندەميا جاعدايىندا دا، ونىڭ ىشىندە اقپاراتتىق-كومپيۋتەرلىك تەحنولوگيالاردىڭ كومەگىمەن تىعىز ەكى جانە كوپجاقتى ىنتىماقتاستىقتى جالعاستىرادى. ياعني، پاندەميانى توقتاتۋعا جانە باۋىرلاس ەلدەرىمىز بەن حالىقتارىمىزدىڭ مۇددەسى ءۇشىن ونىڭ سالدارىن جويۋ ىسىندەگى ىنتىماقتاستىقتى ىنتالاندىرۋعا مۇمكىندىك بەردى. سونداي-اق، مالىمدەمەدە قازىرگىدەي قيىن شاقتا كۇش-جىگەردى بىرىكتىرە وتىرىپ، بارىنشا قىسقا مەرزىمدە ورتاق قاۋىپتى جاۋ - COVID-19 پاندەمياسىن جەۋ قاجەتتىگى كورسەتىلگەن.

ال، جۋىردا وسى ىندەتكە بايلانىستى قابىلدانعان شارالار جونىندە «Nur Otan» پارتياسىنىڭ توراعاسى نۇرسۇلتان نازارباەۆ پارتيا توراعاسىنىڭ ءبىرىنشى ورىنباسارى باۋىرجان بايبەكتى قابىلداعان بولاتىن.

قابىلداۋ بارىسىندا، پارتيا توراعاسى ەلىمىزدە ەنگىزىلگەن توتەنشە جاعداي كەزىندە مەملەكەتتىك شارالاردى قولداۋدىڭ ماڭىزدىلىعىنا توقتالىپ، مۇقتاج ادامدارعا كومەك كورسەتىپ جاتقان «Nur Otan» پارتياسىنىڭ بەلسەندى جۇمىسىنا توقتالدى.

سونىمەن قاتار، ەلباسى “Birgemiz” قوعامدىق قورىنىڭ اتقارىپ جاتقان جۇمىستارىن ايرىقشا اتاپ ءوتتى.

– «Birgemiz» قورىنا ءبىراز قاراجات جينالدى. وسىناۋ قيىن كەزەڭدە مۇقتاجدارعا كومەك ۇيىمداستىرۋ ماقساتىمەن مەنىڭ قور قۇرۋ جونىندەگى باستامامدى قولداعانى ءۇشىن قازاقستاننىڭ بيزنەس قاۋىمداستىعىنا العىس ايتقىم كەلەدى,- دەدى ەلباسى.

بۇل تۇرعىدا نۇروتان جانىنداعى «Jas Otan» جاستار قاناتىنىڭ ەڭبەگى دە ايرىقشا ەكەنى راس. ەلباسى ءوز سوزىندە «Jas Otan» جاستارىنىڭ بەلسەندىلەرى مەن ەرىكتىلەرىنىڭ جۇمىسىنا دا توقتالدى.

– پارتيا بەلسەندىلەرى مەن «Jas Otan» ەرىكتىلەرى قازاقستان بويىنشا 50 مىڭنان استام وتباسىنى ەڭ قاجەتتى تاۋارلارمەن قامتاماسىز ەتتى. جالپى بۇل جۇمىسقا ءۇش مىڭ ەرىكتى جۇمىلدىرىلدى. مەن ولارعا دا العىس ايتامىن، - دەدى نۇرسۇلتان نازارباەۆ.

سونىمەن قاتار، ەلباسى «Birgemiz» قورىنان 152 مىڭنان استام وتباسىنا 50 مىڭ تەڭگە كولەمىندە بىرجولعى كومەك كورسەتىلگەنىن، جانە، مامىر ايىنىڭ باسىنان باستاپ حالىققا كومەك كورسەتۋدىڭ ەكىنشى تولقىنى باستالاتىنىن ايتتى.

سونداي-اق «Nur Otan» پارتياسىنىڭ توراعاسى داعدارىستان كەيىنگى كەزەڭدەگى ەكونوميكالىق ءوسىمدى قامتاماسىز ەتۋ ماسەلەلەرىنە توقتالدى.

– پرەزيدەنت تە، ۇكىمەت تە وسى قيىن ۋاقىتتا بارىنە كومەكتەسۋ ءۇشىن بارىنشا جۇمىس ىستەپ جاتىر. كوروناۆيرۋس پاندەمياسى وتەدى، الداعى ۋاقىتتا ءبىزدىڭ الدىمىزدا ەكونوميكانى قايتا قالپىنا كەلتىرۋ ماسەلەسى تۋىندايدى. ءبىراز ادام جۇمىسسىز قالىپ، ەكونوميكا باسەڭدەدى. جاعدايدىڭ جاقسارۋىنا قاراي بيزنەستىڭ كەيبىر تۇرلەرىنە قىزمەتىن جانداندىرۋ ءۇشىن جەڭىلدىك جاساعان ءجون دەپ ويلايمىن. كاسىپكەرلەر ءوزىن جانە اينالاسىن قورعاۋ ءۇشىن بارلىق ءتيىستى شارالاردى قابىلداۋى كەرەك, - دەدى ەلباسى.

ال، پارتيا توراعاسىنىڭ ءبىرىنشى ورىنباسارى ءوز كەزەگىندە پارتيانىڭ داعدارىسقا قارسى ءىس-شارالاردى جۇزەگە اسىرۋ جانە حالىققا كومەك كورسەتۋ جۇمىستارى تۋرالى باياندادى.

بايبەك مىرزانىڭ ايتۋىنشا، دارىگەر مەن مەديتسينا قىزمەتكەرىنىڭ  ارقايسىسىنا قوردان 50 000 تەڭگەدەن بەرىلگەن.

– قازىرگى تاڭدا «Birgemiz» قورىنا 20 ميلليارد تەڭگەگە جۋىق قاراجات جينالدى. ءبىز ماتەريالدىق كومەكتەن بولەك نۇر-سۇلتان، الماتى جانە شىمكەنت قالالارىنداعى مۇقتاج وتباسىلارعا مەديتسينالىق بەتپەردە تاراتا باستادىق. سونىمەن قاتار، ەلوردا مەن الماتىداعى ەكى مىڭنان استام دارىگەر مەن مەديتسينا قىزمەتكەرىنىڭ  ارقايسىسىنا قوردان 50 000 تەڭگەدەن بەرىلدى, - دەدى باۋىرجان بايبەك.

كەزدەسۋ سوڭىندا نۇرسۇلتان نازارباەۆ تاعى ءبىر مارتە بارشا قازاقستاندىقتى جاھاندىق پاندەميامەن كۇرەستە بىرىگۋگە شاقىردى.

– بىرلىگىمىز، ىنتىماعىمىز بەن ءبىر-بىرىمىزگە دەگەن قامقورلىعىمىز ءبىزدى جەتىستىككە جەتەلەيدى. ۇيدە وتىرۋ وڭاي ەمەس ەكەنىن تۇسىنەمىن. شاعىن بيزنەسكە دە اۋىرتپالىق ءتۇسىپ تۇر. الايدا قازىر جەتىستىككە جەتۋ ءۇشىن شىدامدىلىق قاجەت, - دەدى ەلباسى.

Abai.kz