ولار - "بەلارۋس حالىق مايدانى" (بحم) جانە "ادىلەتتى الەم" پارتياسى. "پاندەميا كەزىندە سايلاۋ وتكىزۋ - جاۋاپسىزدىق ءارى قاۋىپتى. ەۋروپاداعى ەلدەر سايلاۋدى كەيىنگە شەگەرىپ، ودان دا ماڭىزدى ماسەلەلەردى شەشىپ جاتىر", - دەدى بحم وكىلدەرى.

"ادىلەتتى الەم" پارتياسىنىڭ وكىلدەرى بولسا سايلاۋ وتكىزۋ تۋرالى شەشىمدى "قىلمىس" دەپ اتادى. "كوروناۆيرۋس ىندەتى كۇننەن-كۇنگە كۇشەيىپ بارا جاتقاندا سايلاۋ جاريالاۋ - حالىقتىڭ دەنساۋلىعى مەن ومىرىنە قاۋىپ توندىرەدى دەپ ەسەپتەيمىز" دەلىنگەن پارتيانىڭ ورتالىق كوميتەتى تاراتقان مالىمدەمەدە.

بۇنىڭ الدىندا وپپوزيتسيالىق بەس پارتيا سايلاۋعا ورتاق كانديداتىن قوسۋ جوسپارىنان باس تارتىپ، ايماقتارداعى "پرايمەريزدەن" تىس قالعان.

وتكەن اپتادا بەلارۋس پارلامەنتىنىڭ تومەنگى پالاتاسى كەزەكتى پرەزيدەنت سايلاۋىن 9 تامىزعا بەلگىلەدى. قازىرگى پرەزيدەنت الەكساندر لۋكاشەنكو ساياسي ناۋقانعا قاتىساتىنىن مالىمدەگەن. ول ەلدى 1994 جىلدان بەرى باسقارىپ كەلەدى.

سايلاۋ كوروناۆيرۋس پاندەمياسى كەزىندە وتەدى. سوڭعى مالىمەت بويىنشا، رەسپۋبليكادا 23 مىڭ ادامنىڭ ۆيرۋس جۇقتىرعانى انىقتالعان، 131 ادام قاتەرلى ىندەتتەن قايتىس بولعان.

9 مامىردا مينسك قالاسىندا جەڭىستىڭ 75 جىلدىعىنا وراي شەرۋ ۇيىمداستىرىلىپ، مەرەكەلىك كونتسەرت ءوتتى. وپپوزيتسيا بيلىكتى حالىقتىڭ جاعدايىن ويلامايدى دەپ ايىپتاپ وتىر. بەلارۋستا كارانتين جاريالانعان جوق.

Abai.kz