12 مامىردا وبلىستىڭ باس سانيتار دارىگەرىنىڭ قاۋلىسى بويىنشا، كارانتين شارالارى بىرتىندەپ الىنا باستادى. بلوكپوستتار تەك ورالدا جانە ءبورىلى اۋدانىندا (اقساي قالاسى) قالدى.

ازىق-تۇلىك بازارلارى ساعات 9-دان 16-كە دەيىن جۇمىس ىستەي باستادى. حالىققا قىزمەت كورسەتۋ ورتالىقتارى مەن بيزنەس-ورتالىقتارى دا اشىلدى.

تۇرعىندارعا ءجۇرىپ-تۇرۋعا رۇقسات بەرىلدى. حالىققا قاۋىپسىزدىك ەرەجەلەرىن ساقتاي وتىرىپ، ساياباقتا، الاڭدا قىدىرۋعا رۇقسات بەرىلدى.

باتىس قازاقستان وبلىسىنىڭ باس سانيتار دارىگەرى مۇحامعالي ارىسپاەۆتىڭ ايتۋىنشا، كارانتين 25 مامىرعا دەيىن سوزىلعان. كەزەڭ كەزەڭمەن كارانتين شارالارى الىندى. كارانتين وبلىسقا 30 ناۋرىزدا ەنگىزىلگەن.

سوڭعى مالىمەت بويىنشا، باتىس قازاقستان وبلىسىندا كوروناۆيرۋس 255 ادامنان انىقتالدى.

Abai.kz