كابۋلدىڭ باتىسىندا، شيىتتەر تۇراتىن اۋداندا، پەرزەنتحاناعا شابۋىلداعان ەكسترەميستەر مەن ۇكىمەت كۇشتەرى بىرنەشە ساعات بويى اتىستى. اۋعانستان ىشكى ىستەر ءمينيسترىنىڭ مالىمدەۋىنشە، شابۋىلدان 14 ادام قازا تاپتى، ولاردىڭ اراسىندا جاڭا تۋعان سابيلەر بار. 15 ادام جارالانعان.

اتىس كەزىندە ءۇش سودىردىڭ كوزى جويىلدى. شابۋىلعا ۇشىراعان پەزەنتحانادا 80 ايەل جاتقان.

كۋاگەر دجاۆاد ءاميريدىڭ ايتۋىنشا، سودىرلاردىڭ ءبىرى اسكەري كيىممەن جۇرگەن، قالعان ەكەۋى مەديتسينالىق كيىمدە بولعان. ولار پەرزەتحاناداعى ادامداردى اتقان.

اۋعان بيلىگىنىڭ رەسمي وكىلىنىڭ مالىمدەۋىنشە، پەرزەنتحاناعا "شەكاراسىز دارىگەرلەر" گۋمانيتارلىق ۇيىمى كومەك كورسەتىپ كەلگەن.

"تاليبان" قوزعالىسىنىڭ وكىلدەرى بۇل شابۋىلعا قاتىسى جوعىن مالىمدەدى.

Abai.kz