بولجام جاساعاندا شيكىزاتتىڭ ارزانداۋى، مۇناي ءوندىرىسىنىڭ قىسقارۋى، كارانتيننىڭ ساۋدا، كولىك، تۋريزم سەكتورلارى دامۋىن تەجەۋى ەسكەرىلگەن.

مۇنايعا باي قازاقستاننىڭ جالپى ىشكى ءونىمى ء(جىو) ءۇش پايىز تومەندەيدى، 2021 جىلى "مۇناي باعاسى جارىم-جارتىلاي قايتا كوتەرىلسە، ءجىو 5,5 پايىز كوتەرىلەدى" دەلىنگەن ەققدب-نىڭ 13 مامىردا جاريالاعان ماكروەكونوميكالىق ەسەبىندە.

دۇنيەجۇزىندە شيكىزەت جەتكىزۋ ادىستەرىنىڭ تۇرلەنۋىن پايدالانا السا، قازاقستان مۇناي سەكتورىنىڭ باسەكەلەسۋ الەۋەتىن كوتەرە الادى، دەپ بولجايدى بانك ماماندارى. ولاردىڭ ايتۋىنشا، بيىل ەكسپورت كولەمى الدەقايدا تومەندەيدى، دەگەنمەن جايسىز فاكتورلاردىڭ ىقپالىن ۇلتتىق ۆاليۋتانىڭ السىرەۋى قاتتى سەزدىرمەۋى كەرەك.

ەققدب-نىڭ ورتالىق ازيا جونىندەگى جەتەكشى ەكونوميسى ەريك ليۆنىدىڭ پىكىرىنشە، كوروناۆيرۋس پاندەمياسى جاعدايىندا جانە سۇرانىستىڭ ازايۋى، تەڭگە باعامىنىڭ تۇسۋىنە قاراماستان، قازاقستاندا ينفلياتسيانى تەجەيدى. ويتكەنى سۇرانىس مولشەرى نارىقتى قىسىپ، باعانىڭ كوتەرىلۋىنە بوگەت جاسايدى دەپ ەسەپتەيدى ليۆنى. ونىڭ ايتۋىنشا، ەققدب بيىل قازاقستاندا قوسماعىنالى ينفلياتسيا بولمايدى دەپ بولجايدى.

Abai.kz