قازاقستاندىقتاردىڭ Kaspi.kz ارقىلى ونلاين زات ساتىپ الۋ مولشەرى رەكوردتىق دەڭگەيگە جەتتى،- دەپ حابارلايدى بانكتىڭ ءباسپاسوز قىزمەتى. 

جىل باسىنان بەرى (1-قاڭتار - 30 ءساۋىر) قازاقستاننىڭ 54 قالاسىنىڭ تۇرعىندارى Kaspi.kz-تەگى ماگازيندە جالپى سوماسى 69 ميلليارد تەڭگەگە 900 مىڭنان استام تاپسىرىس بەردى – بۇل وتكەن جىلمەن سالىستىرعاندا 2 ەسە كوپ.

Kaspi.kz باسشىسى ميحايل لومتادزە بىلايشا تۇسىندىرمە بەردى:

«پاندەميا جاعدايىندا جانە ۆيرۋستىڭ تارالۋ قاۋپى جوعارى بولعان كەزدە جەتكىزۋ قىزمەتىمەن ونلاين زات ساتىپ الۋ كوپتەگەن قازاقستاندىق وتباسى ءۇشىن قولايلى ءارءى قاجەتتى بولىپ قانا قويماي، ءبىزدىڭ سەرىكتەستەرىمىزگە ساتىلىمدار مەن جۇمىس ورىندارىن ساقتاپ قالۋعا كومەكتەسەدى. ءبىزدىڭ كوماندامىز پرەزيدەنت جانىنداعى توتەنشە جاعداي جونىندەگى مەملەكەتتىك كوميسسيانىڭ قولداۋىمەن جانە اكىمدىكتەردىڭ جەدەل شتابتارىمەن، سەرىكتەستەرمەن جانە كۋرەرلىك قىزمەتتەرمەن بىرلەسىپ، جەتكىزۋ قىزمەتىنىڭ جۇمىسىن ۇيىمداستىرۋ جانە قازاقستاندىقتارعا ۇيدەن شىقپاي-اق قاۋىپسىز ونلاين زات ساتىپ الۋعا مۇمكىندىك بەرۋ ءۇشىن بار كۇش-جىگەرىن سالدى. ءبىزدىڭ كوماندامىزدىڭ جانە سۇيىكتى كليەنتتەرىمىزدىڭ اتىنان بۇكىل ەلىمىز بويىنشا جانە ءار قالاداعى جەتكىزۋ قىزمەتىمەن ونلاين زات ساتىپ الۋدى ۇيىمداستىرۋعا كومەكتەسكەن ءار ادامعا راقمەت ايتامىن».

Kaspi.kz-تەگى ماگازين – قازاقستانداعى ەلەكتروندىق كوممەرتسيانىڭ ءىرى پلاتفورماسى، ونىڭ كومەگىمەن سەرىكتەستەر ءارتۇرلى تاۋاردى ونلاين ساتادى، ال قازاقستاندىقتار بۇكىل قازاقستان بويىنشا جەتكىزۋ قىزمەتىمەن ءتيىمدى زات ساتىپ الادى. Kaspi.kz-ءتىڭ سەرىكتەستەرىنىڭ كوبىسى – شاعىن جانە ورتا بيزنەس كومپانيالارى.

Abai.kz