"اقشا مەملەكەت بيۋدجەتىنە اۋدارىلدى" دەلىنگەن مينيسترلىك مالىمەتىندە.

بۇعان قوسا، بيلىك شۆەيتساريانىڭ، اقش-تىڭ، فرانتسيانىڭ، رەسەيدىڭ جانە باسقا دا ەلدەردىڭ قۇزىرلى ورگاندارىمەن بىرگە جۇمىس ىستەپ جاتقانىن حابارلادى. تاشكەنت كاريموۆانىڭ شەتەلدەگى 1,3 ميلليارد دوللاردان استام اقشاسىن ەلگە قايتارعىسى كەلەدى.

ادىلەت مينيسترلىگىنىڭ حابارلاۋىنشا، بۇل اكتيۆتەردى كاريموۆا نەمەسە ونىڭ وتباسىنىڭ مۇشەلەرى باسقارا المايدى، ويتكەنى ولاردى شەتەلدىڭ قۇزىرلى ورگاندارى بۇعاتتاعان.

وزبەكستاننىڭ تۇڭعىش پرەزيدەنتى يسلام كاريموۆ 2017 جىلى قايتىس بولعان سوڭ، ونىڭ ۇلكەن قىزى گۇلنارا كاريموۆانى وزبەكستاندا ون جىلعا تۇرمەگە وتىرعىزدى. وعان سالىق تولەۋدەن جالتاردى، بيۋدجەت اقشاسىن تالان-تاراجعا سالدى، بوپسالادى، وفشورداعى كومپانيالاردىڭ قۇجاتتارىن جويدى دەگەن ايىپتار تاعىلدى.

سوت ۇكىمى شىققان سوڭ كاريموۆا ءبىراز ۋاقىت ۇيقاماقتا تۇردى، بىراق 2019 جىلى ناۋرىزدا ونى تاشكەنت وبلىسىنداعى كولونياعا وتىرعىزدى. سودان كەيىن وعان تاعى بىرنەشە قىلمىستىق ءىس قوزعالدى.

ءۇشىنشى قىلمىستىق ءىس بويىنشا كاريموۆا 13 جىل جانە ءتورت ايعا باس بوستاندىعىنان ايرىلدى.

Abai.kz