"Ақша мемлекет бюджетіне аударылды" делінген министрлік мәліметінде.

Бұған қоса, билік Швейцарияның, АҚШ-тың, Францияның, Ресейдің және басқа да елдердің құзырлы органдарымен бірге жұмыс істеп жатқанын хабарлады. Ташкент Каримованың шетелдегі 1,3 миллиард доллардан астам ақшасын елге қайтарғысы келеді.

Әділет министрлігінің хабарлауынша, бұл активтерді Каримова немесе оның отбасының мүшелері басқара алмайды, өйткені оларды шетелдің құзырлы органдары бұғаттаған.

Өзбекстанның тұңғыш президенті Ислам Каримов 2017 жылы қайтыс болған соң, оның үлкен қызы Гүлнара Каримованы Өзбекстанда он жылға түрмеге отырғызды. Оған салық төлеуден жалтарды, бюджет ақшасын талан-таражға салды, бопсалады, офшордағы компаниялардың құжаттарын жойды деген айыптар тағылды.

Сот үкімі шыққан соң Каримова біраз уақыт үйқамақта тұрды, бірақ 2019 жылы наурызда оны Ташкент облысындағы колонияға отырғызды. Содан кейін оған тағы бірнеше қылмыстық іс қозғалды.

Үшінші қылмыстық іс бойынша Каримова 13 жыл және төрт айға бас бостандығынан айрылды.

Abai.kz