جىل سوڭىندا قازاقستان حالقى 19 ميلليوننان اسۋى مۇمكىن
2020 جىلى قازاقستان حالقى 292 704 ادامعا كوبەيىپ، جىل سوڭىندا 19 189,022 ادامدى قۇرايدى،- دەپ حابارلايدى countrymeters.info.
ساعات 12:15-تەگى كورسەتكىش بويىنشا، قازاقستاندىقتاردىڭ سانى 19 004 988 بولعان. تۇنگى ساعات 00:00-دەن بەرى 595 ءسابي ومىرگە كەلسە، 235 ادام قايتىس بولعان.
سايتتىڭ مالىمەتىنشە، ءبىر جىل ىشىندە شامامەن 424 789 بالا دۇنيەگە كەلىپ، 167 610 ادام قايتىس بولادى. سونداي-اق، ەلىمىزدە بالاعا تاۋەلدىلىك كوەففيتسيەنتى 30,4% قۇرايدى ەكەن.
ەگەر سىرتقى كوشى-قون دەڭگەيى وتكەن جىلدىڭ دەڭگەيىندە قالسا، كوشى-قون سەبەپتەرىنە بايلانىستى حالىق سانى 35 525 ادامعا وزگەرەدى. ياعني، ۇزاق مەرزىمدى بولۋ ماقساتىندا ەلگە كەلەتىن ادامداردىڭ (كوشىپ كەلۋشىلەردىڭ) جيىنتىق سانى ەلدەن (كوشىپ كەتۋشىلەردىڭ) كەتكەن ادامداردىڭ سانىنان كوپ بولادى.
سونىمەن، 2020 جىلعى قازاقستان حالقى سانىنىڭ وزگەرۋ ديناميكاسى
- بالا تۋ: ورتاشا ەسەپپەن كۇنىنە 1 164 بالا (ساعاتىنا 48.49)
- ءولىم-ءجىتىم: كۇنىنە ورتاشا ەسەپپەن 459 ادام (ساعاتىنا 19.13)
- حالىقتىڭ كوشى-قون ءوسىمى: ورتاشا العاندا كۇنىنە 97 ادام (ساعاتىنا 4.06)
وسىلايشا 2020 جىلى قازاقستان حالقىنىڭ ءوسۋ جىلدامدىعى كۇنىنە 802 ادامدى قۇرايدى.
قازاقستاندا ەرلەردىڭ ورتاشا ءومىر ءسۇرۋ ۇزاقتىعى - 63,2 جىل (جىل).
ايەلدەردىڭ ورتاشا ءومىر ءسۇرۋ ۇزاقتىعى - 74,1 جىل (جىل). ال، جالپى ورتاشا ءومىر ءسۇرۋ ۇزاقتىعى 68.5 جاستى قۇرايدى. بۇل الەمدىك ورتاشا ءومىر ءسۇرۋ ۇزاقتىعىنان (71 جاس) تومەن.
سايتتىڭ اقپاراتىنشا، قازاقستاندا 15 جاستان اسقان 14 790 681 ادام قانداي دا ءبىر تىلدە وقي الادى جانە جازا الادى. بۇل ەرەسەك تۇرعىنداردىڭ جالپى سانىنىڭ 99.79% قۇرايدى. الايدا 31 024 ادام ءالى دە وقىپ-جازا المايدى (ساۋاتسىز).
ەر ادامدار اراسىنداعى ساۋاتتىلىق دەڭگەيى 99,81% (7 006,245 ادام) قۇرايدى. 13 548 ادام ساۋاتسىز.
ايەلدەردىڭ ساۋاتتىلىعى 99,78% قۇرايدى (7,784,436 ادام). 17 476 ادام ساۋاتسىز.
