Жыл соңында Қазақстан халқы 19 миллионнан асуы мүмкін
2020 жылы Қазақстан халқы 292 704 адамға көбейіп, жыл соңында 19 189,022 адамды құрайды,- деп хабарлайды countrymeters.info.
Сағат 12:15-тегі көрсеткіш бойынша, қазақстандықтардың саны 19 004 988 болған. Түнгі сағат 00:00-ден бері 595 сәби өмірге келсе, 235 адам қайтыс болған.
Сайттың мәліметінше, бір жыл ішінде шамамен 424 789 бала дүниеге келіп, 167 610 адам қайтыс болады. Сондай-ақ, елімізде балаға тәуелділік коэффициенті 30,4% құрайды екен.
Егер сыртқы көші-қон деңгейі өткен жылдың деңгейінде қалса, көші-қон себептеріне байланысты халық саны 35 525 адамға өзгереді. Яғни, ұзақ мерзімді болу мақсатында елге келетін адамдардың (көшіп келушілердің) жиынтық саны елден (көшіп кетушілердің) кеткен адамдардың санынан көп болады.
Сонымен, 2020 жылғы Қазақстан халқы санының өзгеру динамикасы
- Бала туу: орташа есеппен күніне 1 164 бала (сағатына 48.49)
- Өлім-жітім: күніне орташа есеппен 459 адам (сағатына 19.13)
- Халықтың көші-қон өсімі: орташа алғанда күніне 97 адам (сағатына 4.06)
Осылайша 2020 жылы Қазақстан халқының өсу жылдамдығы күніне 802 адамды құрайды.
Қазақстанда ерлердің орташа өмір сүру ұзақтығы - 63,2 жыл (жыл).
Әйелдердің орташа өмір сүру ұзақтығы - 74,1 жыл (жыл). Ал, жалпы орташа өмір сүру ұзақтығы 68.5 жасты құрайды. Бұл әлемдік орташа өмір сүру ұзақтығынан (71 жас) төмен.
Сайттың ақпаратынша, Қазақстанда 15 жастан асқан 14 790 681 адам қандай да бір тілде оқи алады және жаза алады. Бұл ересек тұрғындардың жалпы санының 99.79% құрайды. Алайда 31 024 адам әлі де оқып-жаза алмайды (сауатсыз).
Ер адамдар арасындағы сауаттылық деңгейі 99,81% (7 006,245 адам) құрайды. 13 548 адам сауатсыз.
Әйелдердің сауаттылығы 99,78% құрайды (7,784,436 адам). 17 476 адам сауатсыз.
