ازيا دامۋ بانكى كوروناۆيرۋس سالدارىنان الەم ەكونوميكاسىنا كەلەتىن شىعىن $5,8 ترلن-نان $8,8-عا دەيىن كوبەيۋى مۇمكىن دەپ جازادى.

بولجام بويىنشا، ەگەر شەكتەۋ جارتى جىلعا سوزىلاتىن بولسا شىعىن $8,8 ترلن-دى قۇراماق، ال $5,8 ترلن ءۇش ايدىڭ ىشىندە ەكونوميكا قالپىنا كەلمەگەن جاعدايدا.

ساۋىردەگى باعالاۋمەن سالىستىرعاندا بانك بولجامى ناشارلادى – بۇرىن ساراپشىلاردىڭ ەسەپتەۋىنشە الەم ەكونوميكاسى $2-4,1 ترلن ارالىعىندا زارداپ شەگۋى مۇمكىن ەدى.

ازيا بانكىنىڭ ايتۋىنشا، كوروناۆيرۋس پايدا بولىپ، كەڭ تاراعان جانە قاتاڭ شەكتەۋلەر قويىلعاندىقتان ىشكى سۇرانىسى بىردەن تومەندەگەن ەلدەردىڭ ەكونوميكاسى كوبىرەك زارداپ شەگەدى. وعان قوسا، ەكونوميكاسى اشىق مەملەكەتتەر مەن تۋريزمگە تاۋەلدى ەلدەر شىعىنعا باتادى.

ساراپشىلاردىڭ اتاپ وتۋىنشە، ەكونوميكالىق شىعىندى ازايتۋدىڭ كىلتى – پاندەميا تارتىبىنە باعىنۋ، ياعني تەستىلەۋ، وقشاۋلاۋ جانە الەۋمەتتىك قاشىقتىقتى ساقتاۋ. وعان قوسا ۇكىمەت پاندەميانىڭ جاعىمسىز اسەرىن ازايتۋ ءۇشىن مۇقتاج وتباسىلار مەن مەكەمەلەرگە كومەك كورسەتۋى كەرەك.

ادب تالداۋى پاندەمياعا ناقتى شارالار قولدانۋ كوروناۆيرۋستىڭ جاھاندىق اسەرىن ازايتاتىنىن كورسەتتى.

Abai.kz