يمپورتتى الماستىرۋ دەگەن باعدارلاما بارلىق ەلدەردە بار. بۇل ەلدىڭ (مەملەكەتتىڭ) ەكونوميكالىق قاۋىپسىزدىگىنىڭ باستى ەرەجەسى بولىپ تابىلادى.
تاۋەلسىزدىگى تولىق ەل بولۋ ءۇشىن مەملەكەت ءوزىنىڭ ەكونوميكالىق قاجەتىنىڭ 60 پايىزىنان استامىن ءوزى قامتاماسىز ەتۋى ءتيىس. بۇل - كومپلەكستى پروبلەما.
ول ءۇشىن مىناداي تەحنولوگيالىق تىزبەك ۇيلەسىمدە جۇمىس ىستەپ تۇرۋى قاجەت.

1. گەوەكوتابيعي جاعدايلارعا سايكەستەندىرىلگەن وندىرىستەر مەن اۋىل شارۋاشىلىعىنىڭ بولۋى;
2. ونىمەن تىعىز بايلانىسقان عىلىم مەن ءبىلىم بەرۋ، دەنساۋلىق، مادەنيەت جۇيەسى جۇمىس ىستەۋى;
3. اۋىل مەن قالا اراسىنداعى ەلەۋلى ايىرماشىلىقتىڭ تەڭەسۋى;
4. ەلدە ادام قۇقىمەن بىرگە، ادام كاپيتالىنىڭ ينتەللەكتۋالدى پوتەنتسيالىن قولدانۋ تيىمدىلىگىنىڭ جوعارى بولۋى;
5. يمورت جاعدايىندا ءبىر ەلگە تاۋەلدى بولىپ قالماۋ، تولىق ەكونوميكالىق تاۋەلسىز ساياساتقا قول جەتكىزۋ;
6. مەملەكەت قۇرۋشى ۇلتتىڭ ستاتۋسىن انىقتاۋ، جاۋاپكەرشىلىك پەن دامۋدى، ورتاق ماقساتقا بىرىگۋدى ستاتۋستى ۇلت مۇددەسى مەن مادەنيەتى نەگىزىندە ىسكە اسىرۋ;
7. مەملەكەت باسقارۋدىڭ ۇلكەن ونەر ەكەنىن ساناعا ءسىڭىرۋ، مەملەكەتتىڭ بار الەۋەتى مەن قۇرالىن پايدالانا وتىرىپ، ونى مەملەكەتشىلدىككە بۇرۋ، كوررۋپتسيادان ارىلۋ;
8. فيلوسوفيالىق ويلاۋ، فيلوسوفيالىق دۇنيەتانىم دەڭگەيىنە جەتكەن حالىققا اينالۋ;
9. الەمدىك وركەنيەت پەن الەمدىك ەڭبەك بولىنىسىندە ءوز ورنىن تابۋ.
بايقاساڭىزدار، "يمپورت الماستىرۋ" ايتقانعا جەڭىل، ال، شىن مانىسىندە اۋقىمدى پروبلەمالاردى قوزعايدى ەكەن. (مۇندا ءالى دە كوپتەگەن ماسەلەلەر ايتىلماي قالدى)

سۇراق:

- وسى اتالعان ماسەلەلەردىڭ قايسىسى ءبىزدىڭ ەلدە جاقسى اتقارىلعان، ءبىرشاما شەشىمىن تاپقان دەپ سانايسىزدار؟

-قانداي ماسەلەلەر ءالى دە وزەكتى بولىپ قالىپ وتىر؟