«ءبىلىم سالاسىنداعى ەكىجاقتى ىنتىماقتاستىق الماتى وبلىسىنىڭ ىشكى ساياسات باسقارماسى مەن قازۇۋ جاڭا ءبىلىم بەرۋ تەحنولوگيالارى ينستيتۋتى اراسىندا قول قويىلعان كەلىسىم اياسىندا جۇزەگە اسپاق»،- دەپ حابارلايدى «JETISÝ MEDIA».

جىل باسىندا الماتى وبلىسى اكىمىنىڭ ورىنباسارى باتىرجان بايجۇمانوۆ پەن ءال-فارابي اتىنداعى قازۇۋ رەكتورى ءال-فارابي عالىمقايىر مۇتانوۆپەن ىسكەرلىك كەزدەسۋ بولىپ، بارىسىندا ءبىلىم بەرۋ جانە قازىرگى زامانعى عىلىمي تەحنولوگيالاردىڭ ءوزارا ارەكەتتەستىگى ماسەلەلەرى قاراستىرىلعان-تىن.

ىنتىماقتاستىق كەلىسىمى قازاقستانداعى بەلدى جوو جەتەكشىلىگىمەن قولعا الىنىپ وتىر.

«بۇل كەلىسىمشارت ەكى تاراپتىڭ دا ماماندارىنا العا قويعان ماقساتتاردى جۇزەگە اسىرۋعا، قىزمەتكەرلەردىڭ بىلىكتىلىك دەڭگەيىن ارتتىرۋعا، سونداي-اق، ادامي كاپيتالعا ۇلەس قوسۋعا مۇمكىندىك بەرەدى»، - دەپ اتاپ ءوتتى جاڭا ءبىلىم بەرۋ تەحنولوگيالارى ينستيتۋتىنىڭ ديرەكتورى اسەل مۋسينوۆا.

قازۇۋ كەلىسىمدە ايتىلعان باعدارلامالاردىڭ ءبىرى – «Coursera» اۋقىمدى ونلاين ءبىلىم بەرۋ پلاتفورماسى.

«Coursera – باعدارلاماسى ونلاين ءبىلىم بەرۋدە سوڭعى جىلدارى جوعارى رەيتينگكە يە بولعان. نەگىزىن ستەنفورد ۋنيۆەرسيتەتىنىڭ كومپيۋتەرلىك عىلىمدار سالاسىنىڭ پروفەسسورلارى ەندريۋ ىن جانە دافنوي كەللەر قالاعان. بۇل باعدارلامانىڭ اياسىندا ءبىلىم بەرۋ ماتەريالدارىن تەگىن ونلاين-كۋرس تۇرىندە ينتەرنەتتە جاريالاۋعا بولادى» - دەيدى قازۇۋ احۋالدىق باسقارۋ ورتالىعى ديرەكتورىنىڭ ورىنباسارى.

وسىلايشا، اكىمدىك ىشكى ساياسات باسقارماسى مەن ونىڭ ۆەدومستۆو-ارالىق ۇيىمدارىنىڭ قىزمەتكەرلەرىن قولدا بار داعدىلارمەن كەمەلدەندىرۋگە نيەت ءبىلدىردى.

ەكى جاقتا تا مەملەكەت باسشىسى قاسىم-جومارت توقاەۆتىڭ الەمدىك، جەتەكشى جوو ستراتەگيالىق ارىپتەستىكتى دامىتۋ تۋرالى ايتقان مەملەكەتتىك ساياساتىن ۇستانىپ وتىرعانىن اتاپ وتكەن ءجون. الماتى وبلىستىق ىشكى ساياسات باسقارماسىنىڭ باسشىسى رۋستام اليدىڭ ايتۋىنشا، ەكى جاقتا ءبىلىمنىڭ ساپاسى مەن ونىڭ ناتيجەسىنە ۇلكەن كوڭىل بولۋدە.

ەلباسى ن. ءا. نازارباەۆ «ۇزاق جولدىڭ نەگىزى –  عىلىم مەن ءبىلىم. ويتكەنى، حالىقتىڭ جوعارى ءبىلىم دەڭگەيى كەز كەلگەن ەلدىڭ باسەكەگە قابىلەتتى ارتىقشىلىعى بولىپ تابىلادى»،– دەدى باسقارما باسشىسى.

ەستەرىڭىزگە سالا كەتسەك، «Coursera» جوباسى  ءارتۇرلى ءبىلىم سالالارى بويىنشا كۋرستار جاريالاپ، جۇيەگە كىرگىزەتىن ۋنيۆەرسيتەتتەرمەن سەرىكتەستىك جۇرگىزەدى. ونلاين ءبىلىم اياسىندا، تىڭداۋشىلار كۋرستان ءوتىپ، «Coursera» سايتىندا تەستتەر مەن ەمتيحانداردى تاپسىرادى. ايتا كەتۋ كەرەك، 2017 جىلدىڭ اقپان ايىندا «Coursera» 24 ميلليون پايدالانۋشى تىركەلگەن. ونىڭ ىشىندە، 160 مامانداندىرۋ، 149 ءبىلىم بەرۋ مەكەمەلەرى دە بار. بۇل باعدارلاما قىزمەتتىڭ بارلىق قاجەتتى سالالارى بويىنشا حالىقارالىق سەرتيفيكاتتار الۋعا مۇمكىندىك بەرەدى جانە باسەكەگە قابىلەتتى ارتتىرۋعا كومەكتەسەدى.

ايتا كەتەيىك، جۋىردا وتكەن ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا ءبىلىم بەرۋ ماسەلەسىنە باسا ءمان بەرىلگەن بولاتىن. وندا ق.توقاەۆ الداعى ۋاقىتتا ءبىلىم سالاسىنا ۇلكەن ءمان بەرىلەتىنىن ايتتى.

اتالعان كەڭەستە عىلىم سالاسىن جەتىلدىرۋ ماقساتىندا مەملەكەتتەن بولىنەتىن گرانتتار سانى 3 ەسەگە ارتاتىنى ايتىلعان. جىل سايىن 100 عالىم شەتەلدىك تاجىريبەدەن ءوتۋى كەرەك. اۋىل مەن قالا مەكتەپتەرىنىڭ احۋالىن تەڭەستىرىپ، تەحنيكالىق مۇمكىندىگىن جۇيەلەۋ دە ماڭىزدى. اسىرەسە، ەلدىمەكەندەردە شىعارماشىلىق ورتالىقتار سانىن كوبەيتۋ تاپسىرىلدى. ءۇش اۋىسىمدا ءبىلىم بەرۋدى توقتاتىپ، الداعى 4 جىلدا 650 000 ورىندىق 800 مەكتەپ سالىنادى.

– جاڭا احۋال ءبىلىم جانە عىلىم جۇيەسىن تۇبەگەيلى رەفورمالاۋدى تالاپ ەتىپ وتىر. ەندى بۇل سالانىڭ ماڭىزى ارتا تۇسەتىنى انىق. ءتىپتى ەكونوميكانىڭ ءوزى سوعان تاۋەلدى بولماق. ءبىز ءبىلىم مەن عىلىم سالاسىنىڭ بولاشاقتاعى ءرولىن ايقىن ءتۇسىنۋىمىز كەرەك. بۇكىل مەملەكەتتىك ساياساتتى سوعان سايكەس جۇزەگە اسىرامىز، – دەدى قاسىم-جومارت توقاەۆ.

سونىمەن قاتار، مەملەكەت باسشىسى جوو-لارداعى ءبىلىم بەرۋ جۇيەسىنىڭ كەمشىلىكتەرىنە دە توقتالدى.

-دارىندى جاستاردىڭ شەتەلگە كەتۋ ماسەلەسىنە ەرەكشە نازار اۋدارعان ءجون. مۇنىڭ بىرنەشە سەبەبى بار.سونىڭ ءبىرى – جوعارى ءبىلىم بەرۋ جۇيەسىنىڭ باسەكەگە قابىلەتسىزدىگى.

ارينە، بۇل قوسىمشا ينۆەستيتسيانى تالاپ ەتەدى.وسىعان وراي ءبىز ءبىلىم گرانتتارىنىڭ ورتاشا قۇنىن 340-420 مىڭ تەڭگەدەن 1 ميلليون تەڭگەگە دەيىن كوبەيتۋ تۋرالى شەشىم قابىلدادىق.

ياعني، گرانت قۇنى 3 ەسە ارتادى. سول ارقىلى وقىتۋشىلاردىڭ جالاقىسىن كەزەڭ-كەزەڭمەن ارتتىرىپ، ۋنيۆەرسيتەتتەردىڭ ماتەريالدىق بازاسىن نىعايتۋعا بولادى. 

بۇل – ماڭىزدى قادام.ويتكەنى گرانت قۇنى 2011 جىلدان بەرى وسكەن جوق.ەلىمىزدىڭ 10 جوعارى وقۋ ورنى الەمنىڭ ۇزدىك 500 ۋنيۆەرسيتەتىنىڭ قاتارىنا قوسىلۋى كەرەك.

جوعارى ءبىلىم بەرۋ ساپاسىنىڭ نەگىزگى كورسەتكىشىنىڭ ءبىرى – وسى.بۇل مەجەگە 2025 جىلى جەتۋىمىز قاجەت،- دەگەن بولاتىن.

سونداي-اق، 2025 جىلعا دەيىن ءبىلىم سالاسىن قارجىلاندىرۋ 6 ەسەگە، عىلىمعا بولىنەتىن قارجى 7 ەسەگە ارتادى.

تاعى ءبىر جاعىمدى جاڭالىق - جوعارى وقۋ ورىندارى ۇستازدارىنىڭ جالاقىسى ارتاتىنى دا ءسوز بولدى.

بۇل تۋرالى پرەزيدەنت:

- ءبىز ءبىلىم گرانتتارىنىڭ ورتاشا قۇنىن 340-420 مىڭ تەڭگەدەن 1 ملن تەڭگەگە دەيىن كوبەيتۋ تۋرالى شەشىم قابىلدادىق. ياعني گرانت قۇنى ءۇش ەسە ارتادى. سول ارقىلى وقىتۋشىلاردىڭ جالاقىسىن كەزەڭ-كەزەڭمەن ارتتىرىپ، ۋنيۆەرسيتەتتەردىڭ ماتەريالدىق بازاسىن نىعايتۋعا بولادى. بۇل – ماڭىزدى قادام,- دەدى

ايمان اسىل

Abai.kz