اقپاراتقا قاراعاندا، اقش پرەزيدەنتى دونالد ترامپ گەرمانيادا ورنالاسقان 34 مىڭ امەريكالىق اسكەردىڭ شامامەن 15 مىڭىن شىعارۋ جونىندە بۇيرىق شىعارعان. اق ءۇي مەن ناتو ازىرگە پىكىر بىلدىرۋدەن باس تارتىپ وتىر.

10 ماۋسىمدا بەرلين شىن مانىندە اقش-تان اسكەرىن شىعارۋى مۇمكىن ەكەندىگى جونىندە حابارلاما العان. بىراق ناقتى شەشىم ءالى جوق دەپ حابارلادى كانتسلەر مەركەلدىڭ ءباسپاسوز قىزمەتى.

وتكەن اپتادا The Wall Street Journal ترامپ گەرمانيادان توعىز جارىم مىڭ امەريكالىق اسكەرىن شىعارۋدى جوسپارلاپ وتىر دەپ حابارلاعان. Der Spiegel جۋرنالى بولسا 15 مىڭعا دەيىن اقش ساربازى گەرمانيادان كەتۋى مۇمكىن دەپ جازدى.

گەرمانيا قوعانىس ءمينيسترى اننەگرەت كرامپ-كاررەنباۋەر ەگەر ۆاشينگتون راسىندا بۇل جوسپارىنا جۇزەگە اسىراتىن بولسا، ناتو-عا كەرى اسەرىن تيگىزەدى دەپ مالىمدەگەن.

گەرمانيادا اقش-تىڭ اسكەري بازاسى بار. دونالد ترامپ بيلىككە كەلگەننەن كەيىن ەۋروپالىق ەلدەردى قورعانىس سالاسىنا ءتيىستى قارجى بولمەيدى دەپ سىناپ كەلەدى.

Abai.kz