“بۇعان ءمان بەرمەۋ قاۋىپتى بولار ەدى. پاندەميا جالعان اقپارات زيان كەلتىرەتىنىن، ءتىپتى ادامدى ولتىرۋگە دەيىن اكەلەتىنىن، مەملەكەتتىك بيلىكتىڭ كوروناۆيرۋسپەن كۇرەستە قولدانىپ جاتقان شارالاردى ۇزۋگە دەيىن اكەلەتىنىن كورسەتتى", – دەپ مالىمدەدى ەۋروكوميسسيا باسشىسىنىڭ ورىنباسارى ۆەرا يۋروۆا.
ونىڭ سوزىنشە، بەلگىلى ءبىر مەملەكەتتەر قارجىلاندىرىپ وتىرعان كامپانيانىڭ ماقساتى - ادامداردىڭ ۇرەيىن كۇشەيتىپ، ەۋرووداق بيلىگىنە كۇمان كەلتىرۋ.
ارنايى باياندامادا ەۋروپالىق وداقتىڭ ءۇشىنشى ەلدەردەگى ازاماتتىق قوعام وكىلدەرى مەن تاۋەلسىز باق-قا قولداۋ كورسەتۋدى جالعاستىراتىنى ايتىلعان. بۇدان بولەك ەۋرووداق الەۋمەتتىك جەلىلەر مەن ونلاين-پلاتفورمالارعا كوڭىل بولەتىنىن جەتكىزگەن.
ەۋروپالىق وداق جالعان اقپارات تاراتتى دەپ رەسەي مەن قىتايدى ءبىرىنشى رەت ايىپتاپ وتىرعان جوق. رەسەي مەن قىتاي بولسا، وزدەرىنە تاعىلعان ايىپتاردى تەرىسكە شىعارىپ كەلەدى.
Abai.kz
