ورتالىق سايلاۋ كوميسسياسىنىڭ مۇشەسى سابيلا مۇستافينا سەنات دەپۋتاتتارىنىڭ سايلاۋىن وتكىزۋگە رەسپۋبليكالىق بيۋدجەتتەن قاراجات بولىنەتىنىن مالىمدەدى.

"پارلامەنت سەناتى دەپۋتاتتارىنىڭ سايلاۋىنا رەسپۋبليكالىق بيۋدجەتتەن ورتالىق سايلاۋ كوميسسياسىنا 254,5 ميلليون تەڭگە ءبولىندى", - دەپ حابارلادى مۇستافينا وسك-داعى بريفينگتە.

ونىڭ ايتۋىنشا، بۇل اقشا سايلاۋ كوميسسيالارىنىڭ قىزمەتى مەن ۇيىمداستىرۋعا، ءماسليحات دەپۋتاتتارىنىڭ ءىسساپارى جانە كولىك شىعىندارىنا، سايلاۋ كومپانياسىنىڭ قىزمەتىن ۇيىمداستىرۋ ءۇشىن قاجەتتى پوليگرافيالىق قىزمەتتەرگە، سونداي-اق سايلاۋ نىساندارىن راسىمدەۋ قىزمەتتەرىنە، باق-تا اقپارات جاريالاۋ جانە باسقا دا شىعىندارعا جۇمسالادى.

ەسكە سالايىق، پرەزيدەنت قاسىم-جومارت توقاەۆ 12 تامىزعا پارلامەنت سەناتى دەپۋتاتتارىنىڭ سايلاۋىن وتكىزۋ تۋرالى جارلىققا قول قويعان بولاتىن.

Abai.kz