ال جارايدى، اكەمدى بىلاي قويايىق: سوندا بۇل زاڭ سوتتالعاندار ءۇشىن شىعارىلعان بولسا، ولاردىڭ ءبارى بومج بوپ كەتسىن دەگەن ءسوز بە؟! الدە شەتەلگە تەنتىرەپ، سيرياعا كەتسىن دەپ جاتىر ما؟!

ەندى 12-ءسى كۇنى اكەمنىڭ سوتى ءوتتى: ۋدو-دان بوساتۋ تۋرالى. «ءسىزدىڭ قىلمىسىڭىز اۋىر» دەپ، تاعى تەرىس شەشىم شىعاردى. الدىندا ناۋرىزباي اۋدانىنىڭ سوتى دا جىبەرمەگەن. ەگەر قىلمىس سونشالىقتى «اۋىر» ەكەن، وندا نەگە زاڭدا «مۇنداي ادامدارعا مۇمكىندىك جوق» دەپ ءدوپ ەتەرىن ايتپايدى؟

10 جىل بولدى، اكەمە قانشاما ادام كومەكتەسكىسى كەلەدى. ءتىپتى مۇحتار تايجان، اكادەميك اسقار جۇمادىلداەۆ اعايلار پرەزيدەنتتىڭ الدىنا قويدى ەمەس پە؟ پرەزيدەنت ماسەلەنى ءتۇسىندى دەگەن ەدى. بىراق، ءالى ەشقانداي ناتيجە جوق. جەبە-جەمگە كەلگەندە، اكەم بارلىق پروبلەماسىمەن بەتپە-بەت جالعىز قالىپ قويا بەرەدى. سوعان جۇرەگىم قان جىلايدى!!!

قۇرمەتتى مۇحتار تايجان اعا، اسقار اعاي! سىزدەرگە العىستان باسقا ايتارىمىز جوق. قانشاما التىن ۋاقىتتارىڭىزدى ءبولىپ، قانشا جەرگە كىرىپ، اكەمىزدىڭ جوعىن جوقتاپ، پرەزيدەنتكە دە جەتكىزدىڭىزدەر. مەنىڭ بۇل جەردە رەنىشىم سىزدەرگە ەمەس، مەنىڭ جان ايقايىمدى دۇرىس تۇسىنىسەڭىزدەر ەكەن. اكەمىزدىڭ ماسەلەسى ءالى سول قالپىندا قالا بەرۋدە! ءبارى «ءيا، ءيا، تۇسىنەمىز» دەيدى، ناقتى ەشتەڭە شەشپەيدى. پرەزيدەنتتىڭ ءوزى دە اكەمدى «بىلەمىن» دەپتى، جازىپ الىپ، كومەكشىلەرىنە تاپسىرما بەرىپتى. جاڭا جىلدىڭ الدىندا جوعارى جاقتا ءبارى دۇرلىگىپ ىزدەپ، اكەم استاناعا دا بارىپ قايتتى. ال سوندا نەگە؟؟؟ نە دەگەن ساڭىراۋ بيلىك؟! نە ىستەۋ كەرەك؟! اكەم ەشكىمگە پروبلەماسىن ايتپايتىنىن بىلەسىزدەر عوي. تىم بولماسا ماكسيمال رەپوست جاساڭىزدارشى!

مىناعان دا تۇك ميىم جەتپەي قويدى. بۇل ۇكىمەت وسىنشاما ادىلەتسىزدىكپەن حالىق پەن بيلىكتىڭ اراسىن الىستاتىپ جاتقاندارىن قالاي تۇسىنبەيدى؟ مەن، مىسالى، يسماتۋللا ماقسۇم اتا مەن مەنىڭ اكەم سايات ىبىرايدى قازاقستانداعى ەڭ پاتريوت ادامدار دەپ ەسەپتەيمىن. گەرمانيادا ۋنيۆەرسيتەتتە جۇمىس ىستەپ ءجۇرىپ، əلەمدەگى ەڭ اتاقتى حالىقارالىق گۋمبولدت قورىنىڭ سىيلىعىن يەلەنىپ، 1998 جىلى گەرمانيانىڭ پرەزيدەنتى رومان حەرتسوگتىڭ ءوز قولىنان الىپ تۇرىپ، "ەلىمە كەرەكپىن" دەپ قايتىپ كەلگەن پاتريوتتى كورسەتىڭىزدەرشى! قايدا ادىلەتتىلىك؟!

اكەم سوتتالعاندا مەن التى جاستا بولعانمىن. تۇك تە تۇسىنبەيتىنمىن. «نەگە؟» دەگەن سۇراق قانا مازالايتىن. قازىر ون التىدامىن، بىراق ءالى دىم تۇسىنبەيمىن! اكەمدى سەگىز جىل جازىقسىزدان-جازىقسىز تەنتىرەتتى، اتا-اجەمنىڭ جۇرەگىن اۋىرتتى، كوز جاسىن توكتى. كىم جاۋاپ بەرەدى؟! سول
توزاقتان دا امان شىقتى، بوستاندىق الدى. ال ەندى زاڭ پاسپورت اۋىستىرۋدى تالاپ ەتەدى، ال اۋىستىرايىن دەسە قازاقستان ازاماتى ءوز ەلىندە پاسپورت اۋىستىرا المايدى؟! قالاي سوندا؟! فەيسبۋكتى ءدۇر سىلكىندىرگەن كىشكەنتاي سيريالىق بالا ەستەرىڭىزدە مە؟ سول بالا سەكىلدى ءبىز دە «ءبارىن قۇدايعا ايتام!» دەيتىنبىز. قازىر دە سولاي دەگەننەن باسقا لاجىمىز جوق! حالىقتىڭ ارداقتى اقساقالى يسماتۋللا ماقسۇمعا جانە اكەمە ادىلەتسىز قيانات جاساعاندار جاۋاپ بەرۋى كەرەك! ال ساڭىراۋ، مەڭىرەۋ بيلىككە ايتارىم: كورەسىزدەر، ەرتە مە، كەش پە، حالىق بۇل ماسەلەنى كوتەرمەي قويمايدى. ول كىسىلەردىڭ جاناشىرلارىن ءبارىن تۇرمەگە قاماپ قويا المايسىزدار. حالىق تا، تاريح تا ءادىل ۇكىمىن بەرەدى دەپ سەنەمىن!!!

ارۋجان يبراەۆا

Abai.kz