حابارلاماعا سايكەس، ورالوۆ دەنە قىزۋىنىڭ كوتەرىلۋىنە بايلانىستى كوروناۆيرۋس تەستىن تاپسىرىپ، ناتيجەسى وڭ شىققان. شەنەۋنىكپەن بايلانىستا بولعان ادامدار انىقتالىپ، ەپيدەميولوگيالىق زەرتتەۋ ءجۇرىپ جاتىر.

وبلىس اكىمدىگىنىڭ بارلىق قىزمەتكەرى كوروناۆيرۋس تەستىن تاپسىرعان. ناتيجەسى كەيىنىرەك حابارلانادى.

وبلىس اكىمى جۇمىسىن ۆيدەوكونفەرەنتسيا ارقىلى جالعاستىرىپ وتىر. جەكە قابىلداۋلار مەن كەزدەسۋلەر توقتاتىلعان.

پاۆلودار وبلىسى كوروناۆيرۋستان قازا تاپقاندار بويىنشا وڭىرلەر اراسىندا نۇر-سۇلتان قالاسىنان كەيىن ەكىنشى ورىندا. رەسمي دەرەك بويىنشا، وبلىستا COVID-19 اۋرۋىنان 13 ادام كوز جۇمعان. كوروناۆيرۋس ينفەكتسياسىن جۇقتىرعاندار سانى – 442. ونىڭ 59-ىندا اۋرۋ بەلگىلەرى جوق. جازىلىپ شىققانى – 188.

وتىز جاستاعى ورالوۆ وبلىس اكىمىنىڭ ورىنباسارى بولىپ 2019 جىلدىڭ ساۋىرىندە تاعايىندالدى.

شەنەۋنىكتەر اراسىندا وسىعان دەيىن دەنساۋلىق ساقتاۋ ءمينيسترى ەلجان ءبىرتانوۆتىڭ، ءماجىلىس دەپۋتاتى بەكبولات تىلەۋحاننىڭ، توقاەۆتىڭ ءباسپاسوز حاتشىسى بەرىك ءۋاليدىڭ كوروناۆيرۋس جۇقتىرعانى انىقتالعان.

Abai.kz