ماۋسىم ايىندا ەۋروپالىق كوميسسيا ەۋروپالىق وداق ەلدەرىنە ۇشۋعا تىيىم سالىنعان اۋە كومپانيالاردىڭ جاڭارتىلعان ءتىزىمىن جاريالادى. بۇعان دەيىن بريۋسسەل قالاسىندا (بەلگيا) ەۋروپالىق كوميسسيانىڭ ۇشۋ قاۋىپسىزدىگى جونىندەگى كوميتەتىن ەۋروپاعا ۇشۋعا تىيىم سالىنعان اۋە تاسىمالداۋشىلار ءتىزىمىن جاڭارتۋ ماسەلەسى بويىنشا تىڭداۋ ءوتتى، ونىڭ بارىسىندا قازاقستاندىق اۋە كومپانيالارى ماسەلەسى قارالدى.

بەك ەير اۋە كومپانياسىنىڭ ۇشاعىمەن بولعان اپاتتان كەيىن ەۋروپالىق كوميسسيا قازاقستان رەسپۋبليكاسىنىڭ اۆياتسيالىق بيلىگىنىڭ ەلدەگى ۇشۋ قاۋىپسىزدىگىن ءتيىمدى باقىلاۋ مەن قاداعالاۋدى قامتاماسىز ەتۋ قابىلەتىنە الاڭداۋشىلىق ءبىلدىردى. 2020 جىلعى 14 اقپاندا ەۋروپالىق كوميسسيا ەلدىڭ اۆياتسيالىق بيلىكتەرىنىڭ ۇيىمدىق قۇرىلىمىن وزگەرتۋ بويىنشا جۇرگىزىلىپ جاتقان جۇمىس تۋرالى، سوڭعى ءۇش جىلداعى سالا سۋبەكتىلەرىنە جۇرگىزىلگەن باقىلاۋ-قاداعالاۋ قىزمەتىنىڭ ناتيجەلەرى تۋرالى جانە نەگىزگى جولاۋشىلار اۋە تاسىمالداۋشىلارىنىڭ (ەير استانا، سكات جانە بەك ەير) ۇشۋ قاۋىپسىزدىگىنىڭ جاعدايى تۋرالى رەسمي سۇرانىس جىبەردى.

28 اقپاندا ازاماتتىق اۆياتسيا كوميتەتى قازاقستاننىڭ اۆياتسيالىق اكىمشىلىگىمەن بىرلەسىپ، 2019 جىلدىڭ 1 تامىزىنان باستاپ بريتاندىق باسقارۋ مودەلىنە جانە الدىڭعى قاتارلى ەۋروپالىق ەلدەرىندە نەگىزدەلگەن ازاماتتىق اۆياتسيا سالاسىن رەتتەۋدىڭ جاڭا ءتاسىلىن ىسكە قوسۋ تۋرالى اقپاراتتى ۇسىندى. سالانى باسقارۋدىڭ جانە ۇشۋ قاۋىپسىزدىگىن قامتاماسىز ەتۋدىڭ وسى ترانسفورماتسياسى ۇلت جوسپارىنىڭ 68-قادامىنىڭ اياسىندا جۇزەگە اسىرىلۋدا.  سونىمەن قاتار، ەۋروپالىق كوميسسياعا ەلدەگى ۇشۋ قاۋىپسىزدىگىنىڭ قازىرگى جاعدايى جانە بەك ەير اۋە كومپانياسىنىڭ تەكسەرۋ ناتيجەلەرى تۋرالى اقپارات بەرىلدى. كەيىن، 2020 جىلعى 21 ساۋىردە قازاقستاننىڭ اۆياتسيالىق اكىمشىلىگى بەك ەير اۋە كومپانياسىنىڭ پايدالانۋشى سەرتيفيكاتىن قايتارىپ العانى تۋرالى جانە Azee Air اۋە كومپانياسىنىڭ پايدالانۋشى سەرتيفيكاتىن ۋاقىتشا توقتاتۋ تۋرالى حابارلادى.

سونىمەن قاتار، قازاقستاننىڭ اۆياتسيالىق اكىمشىلىگىنىڭ باس ديرەكتورى پ.گريففيتستىڭ ەۋروپالىق كوميسسيا وكىلدەرىمەن كەزدەسۋى ءوتتى، كوتەرىلگەن ماسەلەلەردى تالقىلاۋعا ارنالعان تەلەكونفەرەنتسيالار وتكىزىلدى.

ەسەپ قورىتىندىسى بويىنشا ەۋروپالىق كوميسسيا قر يدم ازاماتتىق اۆياتسيا كوميتەتىنىڭ توراعاسىنىڭ اتىنا قابىلدانعان شەشىم تۋرالى حات جولدادى.

زەرتتەلگەن اقپاراتقا سۇيەنە وتىرىپ، ەۋروپالىق كوميسسيا بۇگىنگى تاڭدا قازاقستاندىق اۋە كومپانيالاردى ەۋروپالىق وداققا ۇشۋعا تىيىم سالىنعان اۋە تاسىمالداۋشىلار تىزىمىنە ("قارا ءتىزىم") ەنگىزۋگە نەگىز جوق دەپ شەشىم قابىلدادى.

ازاماتتىق اۆياتسيا كوميتەتى جانە قازاقستاننىڭ اۆياتسيالىق اكىمشىلىگى ەۋروپالىق كوميسسيامەن جانە ۇشۋ قاۋىپسىزدىگى جونىندەگى ەۋروپالىق اگەنتتىكپەن (EASA) ەلدەگى ۇشۋ قاۋىپسىزدىگىن باقىلاۋ جانە قاداعالاۋ جۇيەسىن ۇيىمداستىرۋدى ەۋروپالىق ستاندارتتارىنا كەلتىرۋ جانە امەريكا قۇراما شتاتتارىنا ۇشۋعا ارنالعان فەدەرالدىق اۆياتسيا اكىمشىلىگىنىڭ (FAA) 1-ساناتىن الۋ ارقىلى قازاقستاندا ۇشۋ قاۋىپسىزدىگىن قامتاماسىز ەتۋ دەڭگەيىن ارتتىرۋ ءۇشىن بىرلەسكەن جوبانى ىسكە اسىرۋدى جوسپارلاپ وتىر.

انىقتاما: ەۋروپالىق كوميسسيا وتىرىستىڭ ناتيجەلەرى بويىنشا ارمەنيادا سەرتيفيكاتتالعان بارلىق اۋە كومپانيالاردى تىزىمگە ەنگىزدى. سونداي-اق كونگو، كونگو دەموكراتيالىق رەسپۋبليكاسى، قىرعىزستان، ليۆيا، نەپال جانە سەررا-لەونە ەلدەرىندە سەرتيفيكاتتالعان اۋە تاسىمالداۋشىلاردىڭ ءتىزىمى قايتا قارالىپ، وسى ەلدەردىڭ جاڭا اۋە كومپانيالارىمەن تولىقتىرىلدى. قازىرگى ۋاقىتتا،ءى 22 ەلدىڭ 96 اۋە كومپانياسىنا (اۋعانستان، انگولا، ارمەنيا، ۆەنەسۋەلا، كونگو، كونگو دەموكراتيالىق رەسپۋبليكاسى، دجيبۋتي، ەريترەيا، يراك، يران، قىرعىزستان، مولدوۆا، ليۆيا، نيگەريا، نەپال جانە ت.ب.) ۇشۋعا تىيىم سالىنادى.

Abai.kz