ء"سوز بوستاندىعىن قۇرمەتتەۋ كەز كەلگەن گۇلدەنگەن دەموكراتيانىڭ قازىعى. قازاقستان ۇكىمەتىن ءالنۇر يلياشەۆتىڭ قۇقىقتارىن قالپىنا كەلتىرىپ، بارلىق ازاماتتارعا قۋدالانۋدان قورىقپاي پىكىرىن اشىق ايتۋعا رۇقسات ەتۋگە شاقىرامىز" دەلىنگەن بەيسەنبى كۇنى جاريالانعان twit-حابارلامادا. ونى حالىقارالىق Human Rights Watch قۇقىق قورعاۋ ۇيىمى دا قولدادى.

22 ماۋسىمدا الماتى سوتى ءالنۇر يلياشەۆتىڭ بوستاندىعىن ءۇش جىلعا شەكتەپ، 100 ساعات قوعامدىق جۇمىس ىستەۋدى مىندەتتەگەن، بەس جىلعا قوعامدىق-ساياسي قىزمەتپەن اينالىسۋعا تىيىم سالعان.

پوليتسيا يلياشەۆتى 17 ءساۋىر كۇنى ۇستاپ اكەتتى. ول Facebook-تە “نۇر وتان” پارتياسىن جەمقورلىق جايلادى دەپ جازىپ، بيلىكتىڭ كوروناۆيرۋس ەپيدەمياسىنا قارسى ارەكەتىن سىنعا العان بولاتىن. وسى سوزدەرى ءۇشىن 43 جاستاعى بەلسەندى ەكى ايدان استام ۋاقىت بويى قاماۋدا بولدى.

سوتتا وزىنە تاعىلعان ايىپتاردان باس تارتقان يلياشەۆ تەرگەۋ يزولياتورىنان شىققاننان كەيىن ۇكىمدى اپەللياتسياعا بەرەتىنىن ايتتى.

بۇعان دەيىن شتاب-پاتەرى لوندوندا شوعىرلانعان حالىقارالىق Amnesty International قۇقىق قورعاۋ ۇيىمى دا ءالنۇر يلياشەۆكە شىعارىلعان ۇكىمدى سىناعان. ء"النۇر يلياشەۆ ەشقانداي قىلمىس جاساعان جوق. ونىڭ بار جاساعانى ءوز پىكىرىن بەيبىت تۇردە ءبىلدىرۋ ەدى، ال بيلىك پەن ونىڭ “ەكسپەرتتەرى” مۇنى قىلمىسقا بالاپ، قاتاڭ جازا قولداندى" دەپ مالىمدەدى ۇيىم وكىلدەرى.

جەرگىلىكتى جانە حالىقارالىق قۇقىق قورعاۋشىلار قازاقستان بيلىگى توتەنشە جاعدايدى ءوزىن سىنايتىن ادامداردىڭ ءۇنىن ءوشىرۋ ءۇشىن پايدالانىپ وتىر دەپ بىرنەشە رەت ايتقان.

Abai.kz