ۇلتتىق ەكونوميكا مينيسترلىگى حالىقتىڭ تابىسىن ارتتىرۋ جانە كاسىپكەرلىك احۋالدى جاقسارتۋ ماقساتىندا 2027 جىلعا ارنالعان جوسپارىن تانىستىردى.

بيزنەستە نە وزگەرەدى؟

ۇكىمەت وتىرىسىندا ۇلتتىق ەكونوميكا ءبىرىنشى ۆيتسە-ءمينيسترى ازامات ءامرين ۆەدومستۆونىڭ الداعى جوسپارلارىن باياندادى:

• موراتوري: مينيسترلىك دەپۋتاتتارمەن بىرلەسىپ، ميكرو جانە شاعىن بيزنەسكە تەكسەرۋ جۇرگىزۋگە ءۇش جىلدىق موراتوري ەنگىزۋ ماسەلەسىن پىسىقتاپ جاتىر. بۇل شەشىم 2027 جىلعى 1 قاڭتاردان باستاپ كۇشىنە ەنەدى دەپ جوسپارلانىپ وتىر.

• ساتىپ الۋلار جۇيەسى: مەملەكەتتىك ورگاندار مەن كۆازيمەملەكەتتىك سەكتوردىڭ ساتىپ الۋلارىنا بيزنەستى قاتىستىرۋ تاسىلدەرى تۇبەگەيلى جەتىلدىرىلمەك.

• ورتا بيزنەسكە قولداۋ: ورتا بيزنەس ءۇشىن ارنايى دامۋ جوسپارى ازىرلەنەدى. بۇل كاسىپكەرلەردىڭ ۇزاق مەرزىمدى قارجىلاندىرۋعا قول جەتكىزۋىن جەڭىلدەتىپ، ءوندىرىستى جاڭعىرتۋعا ىقپال ەتپەك.

• سالىق وزگەرىستەرى: بيزنەس وكىلدەرىنىڭ ۇسىنىستارى نەگىزىندە سالىق كودەكسىنە ەنگىزىلەتىن تۇزەتۋلەر توپتاماسى دايىن بولدى. ال حالىقارالىق تاجىريبە ەسكەرىلە وتىرىپ، اۋقاتتى قازاقستاندىقتار ءۇشىن سالىق مولشەرلەمەسىن كوتەرۋ ماسەلەسى ءالى دە زەردەلەنىپ جاتىر.

قازاقستاندىقتاردىڭ تابىسى قالاي وزگەرەدى؟

ۆيتسە-ءمينيستردىڭ راستاۋىنشا، 2027 جىلعى 1 قاڭتاردان باستاپ ەڭ تومەنگى جالاقى (ەتج) 110 000 تەڭگەگە دەيدى وسەدى. قازىرگى ۋاقىتتا بۇل كورسەتكىش 85 000 تەڭگەنى قۇرايدى. وسىلايشا، ەتج-نىڭ 110 مىڭ تەڭگەگە كوتەرىلۋى شامامەن 29%-دىق ءوسىمدى بىلدىرەدى.

اتالمىش وزگەرىس 1,8 ميلليون ادامنىڭ تابىسىنا وڭ اسەر ەتۋى مۇمكىن. ونىڭ ىشىندە بيۋدجەت سالاسىنىڭ 370 مىڭنان استام قىزمەتكەرى بار.

مەملەكەت تاراپىنان ەكونوميكالىق ءوسىم مەن ينفلياتسيانىڭ باياۋلاۋى حالىقتىڭ ناقتى تابىسىن ارتتىرۋعا باعىتتالعان. وسى ماقساتتا باعا بەلگىلەۋگە باقىلاۋ كۇشەيتىلىپ، تاريف ساياساتىنا سايكەستەندىرىلمەك.

سونىمەن قاتار، پرەزيدەنت جولداۋىنداعى ينفراقۇرىلىمدى اۋقىمدى تۇردە سالۋ باعىتىن ىسكە اسىرۋ ءۇشىن ارنايى ينفراقۇرىلىمدى دامىتۋ قورى قۇرىلدى.

Abai.kz